Nekrasov Nikolai Alekseevič

On otettu Wikipedii-späi
Nekrasov Nikolai Alekseevič
Portriettu
Ammatti: runoilii, kirjuttai, elämäkertakirjoittaja, kirjallisuuskriitikko, žurnalistu, kolumnisti
Rodivui: 28. kylmykuudu (10 talvikuudu) 1821[1][2]
Roindukohtu:
kanzalližus:
Kuoli: 27 talvikuudu 1877 (8 pakkaskuudu 1878)[1][2] (56 года)
Kuolendukohtu:
Ukko / akku:
Nimikirjutus:

Nekrasov Nikolai Alekseevič (28. kylmykuudu (10. talvikuudu) 1821 - 27. talvikuudu 1877 (8. pakkaskuudu 1878)) - ven’alaine runoilii, kirjuttai. Lapsus da nuorizo aigu suuren ven'an runoilijan Nikolai Aleksejevičan Nekrasovan mini Volga-joven rannoil.” Suuri jogi- rahvahan syöttäi!”- saneli häi Volga- jogeh näh. Vaiku tiä jo pienyössäh nägi häi burlakoin ylen jygielöi ruadoloi, kuduat, kiändynyöt puolekkai, kulgiettih joven randua myö da viettih peräh ylen jygiedy baržua. Toiči kaččojen heijän rudoh, igävöičči kyynälissäh.

Ylen nuorennu häi rubei tundemah rahvahan jygiedy elostu., sentäh häi tuli suurekse ristikanzake, hyväsydämellizekse runoilijakse, kudai kogo ijän tahtoi rahvahal kebjevytty da hyvytty.

Tuattah hänen oli oficierannu ylen julgiennu da kovasydämellizenny. Kniigoi nikonzu ei luvennuh, suvaičči mečästiä da ainos oli pahalleh käskyläien ruadajienke.

Muamah oli ihan toine: hyväsydämelline älykäs da opastunnuh ristikanzu. Äijis runolois Nikolai Aleksejevič kirjuttau omassah muamah näh.

Konzu hänel täydyi 16 vuottu tuattah vedi händy Peterburgah opastumah oficierakse Dvor'anskoih polkah. Muamah tuatan mielien vastah, käski poijal valmistuo universitiettah. Tuattah konzu sen tiijusti, katkai kai maksut poijale. Häi jäi ihan yksin, vierahas linnas, kopeikattah kormanis.

Nygöi hänen eländy aijas tapahtui kaikkie: 3 vuottu oli ainos nälläs, ei voinnuh ostua lämmii sobii, ainos ečii ruaduo. Ottihes joga ruadoh: kirjutti kirjazii gruamottomil, tallendi tekstoi akt'oroil, opasti perehis lapsii. 1838 vuvvel algai kirjuttua omii runoloi. Kirjutti vaiku venän kielel, kuduadu ylen äijäl suvaičči. Äijät runot ylen terväh muututtih pajoloikse, kudualoi pajatetah nygözelgi aijal. ”korabeiniekat”, ” Korgieloin leibien keskes..” Poemas ”Raudu dorogu” – kerdou, kui nälgy gonii rahvastu stroimah raudu dorogua da sie jygies ruavos loppemah omii eländy aigoi. Nekrasov oli piämiehenny ” Sovremenniekku”- lehtes., kuduadu algai vie A.S Puškin. Kirjuttajat Černiševskii, Dobrol'ubov, Turgenev da Lev Tolstoi, kirjutettih enzimäzii kerdomuksii hänen lehtih.

  1. 1,0 1,1 Bell A. Encyclopædia BritannicaEncyclopædia Britannica, Inc.. Проверено 14 февраля 2017.
  2. 2,0 2,1 интернет-энциклопедия Проверено 14 февраля 2017.
  3. http://allart.biz/photos/image/ivan_kramskoi_23_Nekrasov_during_the_period_of_Last_songs_1877_78.html
  4. [[::d:Q17378135|Некрасов Николай Алексеевич]] // Большая советская энциклопедия — Москва: Большая российская энциклопедия, 1969. Проверено 28 сентября 2015.