Siirry sisältöön

Huabuniemi

On otettu Wikipedii-späi
Hävinnyh kylä
Huabuniemi
ven. Габаново

Petropavlovan časounu vuvvennu 1942
Mua
Koordinuatat
Ozuta/peitä kartoi
Huabuniemi (Ven'a)
Huabuniemi


Huabuniemi, libo Huabanovan Pustin, libo Huabanovo on hävinnyh kylä Luadogan rannal Anuksen piiris.

Yhtehizet tiijot

[kohenda | kohenda tekstu]

Nimen alguperä liittyy karjalazeh “huabana”-liigunimeh, kudamua käytetäh rožan kalbevuksen ristikanzah, kudai vuoroh on roinnuh karjalazes huabalon (viheldäisorzan) nimes. Paikalline sellitys “huabun niemi" pietäh rahvahan etimolougiennu[1].

Eländykohtu rodih pustimekse ei myöhembi 1561—1562 vuozii da mainitah Petropavlovskaja Huabanovan pustin'-nimes Novgorodan arhijepiskopan Pimenan kirjois da sen tovestau vuozinnu 1639—1640 Mitropoliittu Affonii. Jälles mitropouličan votčinan hävittämisty Anuksen ujezdas vuvvennu 1648 manasterin muat otettih valdukunnan muanruadajat. Ga manasteri vie mainitah vuvven 1678 rahvahanluvun kniigois: «Luadogan järven rannal on Huabanovan pustin». Ga Anuksen gubernien mustokniigazes vuvvennu 1867 manasteriloin da pustimien ozuttelus J. V. Barsov mainiččou, ku pustin paloi vuvvennu 1770[1].

XIX vuozisuan aigah tulipalol hävitetyn manasterin tilas oli apostoloin Pedrin da Puavilan nimine časounu (uvvessah ruvettih nostamah vuvvennu 1838), kudai oli Pižin Pyhän Jurrin kirikön vallas[2]. Vuvvennu 1917 eländykohtu oli 879 desjatinua yksittäine meččylaitos, kudai oli erähän pomeššiekan P. V. Nikitinan omistajannu[3].

Vuvven 1926 rahvahanluvun mugah kyläs eli 11 hengie, vuvven 1933 rahvahanluvun mugah — 10 hengie (kai karjalazet). Kylä kuului Anuksen Piirin Pižin kyläkundah da oli pandu luvetteluh kui Gabanovan Roššu (suom. Huapanovo, livv. Huabanovo)[4][5].

Vuozien 1941—1944 voinan aigua aloveh oli suomelazien vallas. Kylän lähäl suomelazet azetettih batarein kolmes 152 mm Canet-puuškas. Puuškien azettamizekse oli luajittu puuhizet da muahizet ammunduvehkehien linnazet betonan pohjanke. Ruskien Armien hyökkävyksen algavoh vuvvennu 1944 ammunduvehkehet työttih pagoh[6].

Vuvven 1960 pakkaskuun 1. päivän tiedoloin mugah hieru enämbiä ei olluh Karjalan ASNT:n eländykohtien luvettelus[7].

Täl aigua paikku on Anuksen zoolougizen luonnonsuojelualovehen alovehel, kuduah piäzy on miärätty[6].

Viittehet

[kohenda | kohenda tekstu]
  1. 1 2 Кузьмин Д. В. Ливвиковские деревни от A до Ä: словарь названий населенных мест / Д. В. Кузьмин, И. И. Муллонен, Е. В. Захарова. — Петрозаводск : КарНЦ РАН, 2025. — С. 165—166 — 350 с. — ISBN 978-5-9274-1024-8.
  2. ↑ Кожевникова Ю. Н. Монастыри и монашество Олонецкой епархии во второй половине XVIII – начале XX веков. — Петрозаводск : Изд-во Спасо-Кижского Патриаршего Подворья, 2009. — С. 83. — 304 с. — ISBN 978-5-904242-01-5.
  3. ↑ Кожевникова Ю. Н. Николаевская Андрусова пустынь. XVI–XX вв. — Петрозаводск : Verso, 2017. — С. 313. — 400 с. — ISBN 978-5-91997-243-3.
  4. ↑ Список населенных мест Карельской АССР : по материалам Переписи 1926 г. — Петрозаводск : Статистическое управление АКССР, 1928. — С. 83. — 159 с.
  5. ↑ Список населенных мест : по материалам Переписи 1933 года. — Петрозаводск : Изд. УНХУ АКССР Союзоргучет, 1935. — С. 53. — 130 с.
  6. 1 2 Финские батареи восточного берега Ладожского озера / Составитель И. Виговский. — 2016.
  7. ↑ Карельская АССР : административно-территориальное деление (по состоянию на 1 января 1960 года) / Президиум Верховного Совета Карельской АССР. — Петрозаводск : Государственное издательство Карельской АССР, 1960. — 93 с.