Juomoi

Lähteh Wikipedii
Siirry navigatsii, eči

Juomoi (lat. Vaccínium uliginósum) on pieni marjutuhjoine kanabron pereheheh kuului. Sen marjat ollah sinizet da syödävät.

Ulgonägö[Kohendele | Kohendele tekstua]

Juomoil on oksakas tuhjoine, kudai on 30-50 sentii piduhuttu, toiči sen varzi kazvau muadu myöte. Must’ois juomoi eruou sil, ku sen varzi kovenou, rodieu puun jyttyzekse. Sil vie on valpahembi varzi. Magu nämmil marjoil sežo on eriluaduine. Juomoin mehu on valpahembi, must’oinhäi fiolietovoinruskei. Konzu keriät must’oidu marjan nahkale puututtuu jiähäh fiolietovoinsinizet tačmat. Kudamat pahoi lähtietäh.

Juomoin lehtet ollah ei vähembi kolmie sentii piduličat, kovattavat da hoikat. Syzyzyl juomoin lehtet ruskotah da pakutah, marjat vie halloissah voijah olla pal’l’ahal tuhjozel.

Juomoin kukkazet ollah pienet, viiziteräzet, muah painujat. Marjat ollah sinizet pyöryžät, harvah piduličat. Net ollah mehevät da syödävät. Marju on 1,2 sentii piduhuttu.

Juomoin tuhjoine on hyvä pakkazii kestäi da voi eliä sada vuodessah.

Käyttö[Kohendele | Kohendele tekstua]

Juomoin marjat ollah syödävät. Niidy syvväh vereksilleh, keitetäh niilöis varen’n’ua, luajitah mehuu da viinua. Juomoloih, niilöi varustajes, ližätäh toizii marjoi (must’oidu, buolua, garbaluo), kudamil on enämbäl tundui magu.

Tervehyöle hyvä[Kohendele | Kohendele tekstua]

Juomoin marjat da mehu on diettah kuului syömine. Se parandau ainehien suluandua rungas da alendau zuaharimiäriä. Marjat lujendetah verisuonii, ollah hyvät syömizensulatandale da sydämele.