Karjalan Sanomat

On otettu Wikipedii-späi

Karjalan Sanomat on joga nedälii ilmah piäzii suomenkieline lehti Karjalan tazavallas. Lehti on Karjalan vahnimii lehtilöi. Lehten toimitus kuuluu Periodika-julguamoh, kudai on kanzalliskielizien lehtilöin da kirjoin ilmah piästäi julguamo Karjalas Petroskois.

Perustandu[kohenda | kohenda tekstu]

Lehti on perustettu 5. ligakuudu vuvvennu 1920.

Histourii[kohenda | kohenda tekstu]

  • Enzi allus lehti piäzi ilmah Karjalan kommuuni –nimel.
  • 1923-1937 – Punainen Karjala –nimel.
  • Vuvven 1937 lopus Karjalan nevvostotazavallas suomen kieli oli kieletty, heitettih suomen kielen opastandua školis da korgielois školis, lehti oli salvattu.
  • Vuvves 1938 lehti rubei piäzemäh ilmah karjalan kielel, sendäh ku vuozinnu 1938-1940 karjalan kieles tuli valdivonkieli ven’an kielen rinnale. Sen nimi oli Sovetskoi Karelija.
  • Vuozien 1940-1955 lehtel oli Totuus-nimi. Karjalas-suomelazen nevvostotazavallan perustettuu lehti uvvessah rubei piäzemäh ilmah suomen kielel. Voinuvuozien aigah (1941-1944) lehten toimitus ruadoi evakos Belomorskas.
  • Vuozinnu 1955-1957 piäzi ilmah Leniniläinen totuus, kudai oli Leninskaja pravda –lehten kiännöksenny.
  • Vuvves 1957-1991 Lehti piäzi ilmah Neuvosto-Karjala-nimel da kuului yhtehizeh Leninskaja pravda- da Neuvosto-Karjala –toimitukseh.
  • Vuvves 1991 – lehtel on alalline Karjalan Sanomat -nimi.

Lehten piätomittajat[kohenda | kohenda tekstu]

  • 1920-1922 – Juho Komu
  • 1923-1924 – Onni Tuomi
  • 1923-1924 – Jalmari Virtanen da Niilo Virtanen
  • 1924—1926 – Santeri Nuorteva
  • 1926—1931 – Lauri Letonmäki
  • 1931—1932 – Otto Vilmi
  • 1932—1934 – Väinö Lattunen
  • 1934—1937 – Kalle Vento
  • 1938—1939 – P’otr Saveljev
  • 1939—1940 – Ivan Kondratjev
  • 1940—1947 – Mihail Melentjev
  • 1947—1951 – Jevdokim Jemeljanov
  • 1951—1954 – F’oudor Kondratjev
  • 1954—1955 – N. Zaharov
  • 1955—1957 – F’oudor Trofimov
  • 1957—1963 – F’oudor Kondratjev
  • 1963—1967 - F’oudor Trofimov
  • 1967—1969 – F’oudor Kondratjev
  • 1969—1971 – Ivan Petrov
  • 1971—1985 – Juho Laitinen
  • 1986—1991 - Aleksei Mironov
  • 1991—2010 – Robert Manner
  • Vuvves 2010 algajen – Mihail Nezvitskii

Tämä päivy[kohenda | kohenda tekstu]

Tänäpäi Karjalan Sanomat piäzöy ilmah kerran nedälis 16 sivul. Vuvves 2016 lehti on kogonah värilline. Toimitus bumuagulehten rinnale luadiu lehten pdf-versiedy. Toimituksel on oma saitu internetas da joukot sotsiualuverkolois.

Tiluandu[kohenda | kohenda tekstu]

Karjalan Sanomat voibi tilata poštan kauti, Karjalan Sanomien toimitukses da saital, Periodika-julguamon saital. Tilavuksii Suomen puolele hommuau Suomes ruadai Ruslania da Karjalan Sivistysseura.

Linkit[kohenda | kohenda tekstu]