Korendot
Korendot (lat. Odonata) ollah böbökköin lahko. Ollah muinaszien lendäjien murehizien joukko, kudamah mualiman faunas kuuluu enämbän 6650 luadua. Net ollah melko suuret murehizet, kudamil on liikkui piä, suuret silmät, lyhyöt harjasmoizet hanzaset, pitkähky hoikku maha da nelli läbipaistajua siibie, kudamis on sakei suoniverko. Korendot ollah aktiivizet spetsializiroitut petolinnunmoizet böbökkät, kudamat syödäh lennos pyydettylöi böbökkiä. Tämän joukon edustajat ollah levittyneried mualimua myöte da net vastavuthah kaikil manterehil, paiči Antarktiduu.
Kaikki tämän joukon edustajat eletäh amfibionttu elostubua - jäičät da toukat kazvetah vies, a imagot (täzykazvuzet) eletäh mual, net opastuttih ilmuymbyristöh da roittihes ylen hyvikse lendäjikse.Täzykazvuzet korendot ei eletä vai vezistölöin rannoil, net voijah lendiä loitohgi niilöis da vastavuttah niityl, mečänreunoil da linnahizisgi. Kazvamine on vajavanmuuttolline: sil ollah munan, ličinkan da imagon stadiet. Toukat (niidä sežo kutsutah nimfoikse libo najadoikse) kazvetah murembičiš vezistölöis - enimyölleh seizojil järvil, lammiloil da jogilamloil, sežo ojil, jogil da suovezil, ristikanzan luadittuloih lammiloih da vesiojoih sah. Muga kui täzykazvuzet korendot, ličinkatgien ollah pedoloi. Net mečästetäh vezi-murehizii da muidu selgärangattomii.