Lönnrotan Pedäi
| Lönnrotan Pedäi | ||
| Perustamizen paivymiäry | 1970 | |
|---|---|---|
 | ||
| Valdivo | ||
| Haldivollispaikalline miäry | Kalevala | |
| Kuuluu kul'tuurumustomerkilöin luvetteluh | Kalevalan piirin kul'tuurumustomerkilöin luvettelu[d] | |
| Kul'tuurumustomerkilöin stuatussu | Ven'an alovehellizen kul'tuurumustomerki[d][1] | |
| Sellitys, kui piästä | улица Вяйнямёйнена, у дома 1 da Väinämöizen uuličču, taloin 1 rinnal | |
| ||
| Mediafailat Wikiaital | ||
.svg){kind=small}
.svg)
Koordinuatat: 65°11′41″ p. l. 31°10′55″ pn. p. / 65.19486300002778023° p. l. 31.18207500002777977° pn. p. (G) (O)
«Lönnrotan Pedäi» on mustomerki, kudai on luajittu vuozisuan pedäjän rungos, kuduan al legendan mugah vuozinnu 1830:t Uhtas Elias Lönnrot kirjutti runoloi, pidoloin pajoloi da starinoi, kuduat jällespäi pandih Kalevala-eepossan pohjakse. Se kuuluu alovehellizen histourien mustomerkilöin luvetteluh[2].
Ezitys
[kohenda | kohenda tekstu]Mustomerki on nostettu Kalevalas Väinämöizen uuličal Keski-Kuittijärven rannal. Mustomerkin pohjas on kuivettu silei pedäjan rungo ladvattah karzittuloin oksienke. Rungo on kummallizesti viäry. Rungon poliruičendu da kerduandu ollah luonnollizet, tuulien pitkyaigazen vaikutuksen periä. Rungo on lujendettu cementualužimel. Rungon ymbäri pienil kivyzil on luajittu kenty. Kentän rinnal on puulauččaine[3].
Histourii
[kohenda | kohenda tekstu]Perindölöin mugah Uhtan (Kalevalan) erähäl niemel, kuduas oli äijy pedäjiä, kerävyttih vahnat da pajatettih omii runoloi, saneltih starinoi. Juuri vahnemban pedäjän al kirjuttigi nämmä runot E. Lönnrot omis kävymizis Uhtah vuozinnu 1834, 1835 da 1836. Plotinan nostandan periä vuvvennu 1956 vezi rubei uuttamah niemen hiekkurandua da uutti tämän pedäjän juurii. Vuozissah 1960:t pedäi kuivi.[4][5]
Silloin piätettih muuttua tämä vahnu pedäi mustomerkikse. Leningruadan da Karjalan spetsialistoin avul puu oli kohendettu, siirretty pos'olkan keskukseh da pystytetty paikallizen Kul'tuurutaloin rinnal. Jällespäi se oli siirretty vie kerran — Väinämöizen uuličale, järven rannale[3].
Vuvves 1970 «Lönnrotan Pedäjän» kuva oli Karjala-painamon logotipas[4].
Viittehet
[kohenda | kohenda tekstu]- ↑ Об утверждении сводного списка памятников истории и культуры Карельской АССР, подлежащих государственной охране и мерах по их сохранению
- ↑ Сосна Лённрота [Электронный ресурс] // Карелия. Отдых в Карелии. — 2017.
- 1 2 Косенко М. Символы Карелии. Сосна Лённрота [Электронный ресурс] // Золотое кольцо Карелии. — 2021. — 13 августа.
- 1 2 Мулло И. М. Памятники истории и культуры Карелии. — Петрозаводск : Карелия, 1984. — 240 с. — С. 61—62.
- ↑ Панкратов С. Север в душе моей / Панкратов С., Поморцев Б. — Петрозаводск : Карелия, 1986. — 151 с. — С. 29—30.