Lietuvan kieli

Lietuvan kieli
Iččenimi	lietuvių kalba
Muat	Lietuva ; Puola ; Valgo-Ven'a
Alovehet	Baltiekan meri
Pagizijat	>3 miljonua hengie
Lajittelu
Kielikundu	Indoeurouppalazet kielet Baltilazet kielet; ;
Kirjutus	Latinalaine kirjaimikko ; (Lietuvan kirjaimikko)
Kielikoodat
ISO 639-1	lt
ISO 639-2	lit
ISO 639-3	lit
Ethnologue	lit

Lietuvalaine pagizou lietuvakse

Lietuvan kieli (iččenimi — Lietuvių kalba) on lietuvalazien kieli, Lietuvan viralline kieli da yksi Euroupan liiton virallizis kielis. Lietuvakse pagizou läs 3 miljonua hengie. Se kuuluu indoeurouppalazen kielikunnan baltilazeh joukkoh yhtes latvienke da latgalinke.

Lietuvan kieli juatah kahteh piämurdehih: aukštaittih da žemaittih. Nygyaigaine lietuvan kirjukieli perustuu päivänlasku-aukštaitin murdeheh.

Kielitiijollizet ominažuot

Lietuvan foneetiekku eroittau 45 konsonantufoneemua da 13 vokalifoneemua. Konsonantoile on ominastu pehmien da kovan vastakkaiverdailu. Vokalit eroitutah pitkyöl. Paino on taibui da tonine.

Morfolougiellizesti lietuva on fuuzielline da synteettine kieli. Syntaksiele on ominastu verdualline välly sanajälletys, kudaman perusjälletys on SVO (subjektu-predikuattu-objektu). Sanasto on piäozin natiivu; velgusanois ollah enimistönny sluavilazet da saksalazet sanat.

Kirjaimikko

№	Kirjain	Nimi	Sanondu (IPA)
1	A a	a	[ ɑ ]
2	Ą ą	a nosinė	[ ɑː ]
3	B b	bė	[ b ]
4	C c	cė	[ t͡s ]
5	Č č	čė	[ t͡ʃ ]
6	D d	dė	[ d ]
7	E e	e	[ ɛ ] [ æː ]
8	Ę ę	e nosinė	[ æː ]
9	Ė ė	ė	[ eː ]
10	F f	ef	[ f ]
11	G g	gė	[ g ]
12	H h	ha	[ ɣ ]
13	I i	i trumpoji	[ ɪ ]
14	Į į	i nosinė	[ iː ]
15	Y y	i ilgoji	[ iː ]
16	J j	jot	[ j ]

№	Kirjain	Nimi	Sanondu (IPA)
17	K k	ka	[ k ]
18	L l	el	[ ɫ ]
19	M m	em	[ m ]
20	N n	en	[ n ]
21	O o	o	[ ɔ ] [ oː ]
22	P p	pė	[ p ]
23	R r	er	[ r ]
24	S s	es	[ s ]
25	Š š	eš	[ ʃ ]
26	T t	tė	[ t ]
27	U u	u	[ ʊ ]
28	Ų ų	u nosinė	[ uː ]
29	Ū ū	u ilgoji	[ uː ]
30	V v	vė	[ ʋ ]
31	Z z	zė	[ z ]
32	Ž ž	žė	[ ʒ ]

Lähtiet