Parfenon
Parfenon - (muinasgriekan kielel Παρθενών Parthenōn [par.tʰe.nɔ̌ːn], griek. Παρθενώνας Parthenónas [parθeˈnonas], sanasanal – «Neidizen huonehet») on muinasarhitektuuran mustomerki, muinasgriekkalaine pyhäkkö, kudai on sijoitannuhes afinalazele Akropolile. Se on piäpyhäkkö muinazis Afinois, pyhitetty tämän linnan da kogo Attikan suojelijale, jumalattarele Afina-Palladale (Ἀθηνᾶ Παρθένος).
Rakendettu vuozinnu 447–438 enne meijän aigua arhitektoran Kallikratan Iktinan projiektan mugah da uvvistettu vuozinnu 438–431 enne meijän aigua Fidien opastukses Periklesan halličuksen aigua. Se on yksi kogo muailman merkillizimis rakenduksis, voibi olla, ku jopa kaikkein tunnetuin – Afinoin merki «meih niškoi tänäpäi, samoin kui joga aijan griekkoih niškoi». Nygöi se on puolimurendetus tilas, da nostanduruavot ollah käynnis.