Pelmenit
Pelmenit (komi da udm. пельнянь pel'n'an' – "leivänkorvu") on hyvin tunnettu Ven'al da udmurtalaine alguperiä myöte syömislaji, kudai valmistetah kiärimäl enimyölleh lihafaršaspäi valmistettu täyteh hoikan nižujauholoispäi valmistetun tahtahan sydämeh. Pelmenilöi tavallizesti kylmätetäh valmistuksen jälgeh da enne taričustu keitetäh suolatus vies libo lihaliemes. Niilöi taritah puaksuh voisulanke, majoneezanke, leikatun laukanke libo kannateksenke.
Alguperäzesti pelmenit ollah tulluot tunnetukse Ven'al suomalas-ugrilazen kanzan, udmurtoin, perindöllizenny syömislajinnu [1].
Etymolougii
[kohenda | kohenda tekstu]Ven'an sana пельмень (pel'men') on tulluh udmurtin da sen lähisugukielen komin sanas пельнянь (kar. leivänkorvu) < пель "korvu" + нянь "leiby" [2].