RIISA - Suomen pravoslaunoi kirikkömuzei
RIISA – Suomen pravoslaunoi kirikkömuzei Kuopios on kanzallizesti da rahvahanvälizesti tärgei tiemumuzei, kudamua haldivoi Suomen pravoslaunoin kirikkömuzein fondu. Muzein ruado on pravoslaunoin kirikön ainehellizen da vizual’noin kul’tuuruperindön tutkimine, tallendamine da säilyttämine dai pedindös huoldu pidämine. Näyttelylöin lizäkse kazvatus da opastundu ollah tärgei vuitti muzein ruaduo.
Muzei perustettih Kuopioh vuvvennu 1957. Se avavui keviäl 2015 pitkän remontukavven jälgeh. Kirikkömuzein alakerrokses on kirikkötila hillendymizen da sluužban varah. Kirikkömuzein srojus on sego tila, kudamua ezimerkikse školaluokat voijah käyttiä.
Muzein keräilemän roindu liittyy voinah da evakujiiruiččemizeh. Muzein peruskeräilemy on peräzin Karjalan pravoslaunolois prihodois dai Valamon, Konevičan da Peččamon manasterilois. Manasterilois da prihodois evakujiiruiččetut ezinehet luajitah päivänlaskuvaldivoloin tärgevimih kuulujan obrazoin, kiriköllizien ezinehien da tekstiil’oin keräilemän. Ezinehet ollah suurimal ozal peräzin 1700- da 1800-luvul. Tärgielöi ezinehii ollah ezimerkikse Ven’an haldivoiččijoin manasteriloile tuovut lahjat. Oman kogonazuon luajitah kirikkösluavin- da ven’ankielizet harvinazet kniigat, kudamis on painettuloi sego käzin kirjutettuloi tevoksii. Muzeis on lizäkse suuri fotokuvakeräilemy dai skrojupluanoi da kartukeräilemy.
Kirikkömuzein kuuluzimii ezinehii ollah ezimerkikse
- čuudoloi luadijan Konevičan Jumalanmuaman obrazan riizu (kullattuo hobjua, čomendettu helmil da jalokivil, valmistettu Piiteris 1893)
- Jumalanmuaman Akatistos-obrazu, kirikkömuzeis nägyvil olii čuudoloiluadijannu kunnivoitettu obrazu
- Jumalanmuaman ennusmerki -obrazu (Oriantti, Znamenije), kullattu hobjuriizu, ozittain helmipiällystetty, Jumalanmuaman očal sinine sapfiiru.