Aleksandra Aniskina

Lähteh Wikipedii
Siirry navigaatioon Siirry hakuun
Aleksandra Aniskina
Portriettu
Rodivui: 3. tuhukuudu 1980(1980-02-03) (39 лет)
Aleksandra Aniskina

Aleksandra Aniskina (ven. Александра Анискина) on Karjalan Kanzallizen teatran akt'ouru. Häi ruadau teatras jo piäl seiččie vuottu. Aleksandra on roinnuhes 3. tuhukuudu.

Opastundu[Kohendele | Kohendele tekstua]

Aleksandra piäzi opastumah Karjalan Kul’tuurukolledžah vuvvennu 2006. Sinä vuon Kul’tuurukolledžah otetah opastumah nuordu Kanzallizeh teatrah niškoi. Akt'oran diplomuspektaklinnu oli ”Hädä hellän syväimen periä”, kuduadu ozutetah nygöigi.

Ruado[Kohendele | Kohendele tekstua]

Aleksandra Aniskina ruadau teatras vuvves 2009. Paiči Teatrua, Aleksandra ruadau vie Kul’tuurukolledžas, sie häi opastau ozuttajan neron perustehii niilöil opastujile, kuduat tahtotah olla pruazniekoin juondajinnu.

Paiči sidä Sandran iändy suau kuulta Russkoje radio -stansiel. Neidine ruadau ruadivol jo läs kymmendy vuottu. Enne sidä häi ruadoi Karjalan ruadivos da Junost’-ruadivostansiel.

Joudaval aigua Sandra vedäy eriluaduzii pruazniekkoi da pidoloi. Neidine vedi moizii suurii pidoloi, kui linnan päivy, tazavallan päivy, Olimpiuadantulen estafiettu, Ruočin kul’tuuran päivät da toizii.

Aleksandra Aniskinan roulit[Kohendele | Kohendele tekstua]

  • ”Hädä hellän syväimen periä” (2009) – Darja Sem’onovna
  • ”Turandot” (2010) – Viizas
  • ”Ruma El’za” (2010) – Irma
  • ”Sinizen taivahan pajot” (2010) – Kyläläine tyttö
  • ”Muuri mukkelii” (2011) – Čoma naine
  • ”Emähukku” (2011) – Parven emähukku
  • ”Proššaičemine heinykuus” (2011) – Komsorgu
  • ”Vägivallan liäkäri” (2011) – Voimatoi
  • ”Hodari” (2012) – Miiterin Matr’oi
  • ”Verenkarvaine kukkaine” (2012) – Meren hengi
  • ”Lumičuudo” (2012) – Čuudo
  • ”Kameo” (2013) – Aleksandra Aniskina
  • ”Lukomorjen rinnal” (2013) – Bajuška-kaži
  • ”Šeikkailuloi Kuuzet mägyöl -mečäs” (2014) – Fru Martina -buabo
  • ”Segasotku” (2014) – Julia
  • ”Piter Pen” (2014) – Lapsut, Vedehine
  • ”Kodi” (2015) – Emändy, Syöjätär
  • ”Venetsialazet kaksozet” (2015) – Kolombina
  • ”Lembi” (2015) – Naine
  • ”Konzu ollah tunnot…” (2016) – Annu
  • ”Tiedovoičuskeppi” (2016) – Varoi