Audi
![](http://upload.wikimedia.org/wikipedia/commons/thumb/9/92/Audi-Logo_2016.svg/300px-Audi-Logo_2016.svg.png)
Audi AG (audi-sana kiännetynny latinan kielespäi karjalakse on ”kuule”) on germuanielaine mašinoinazundulaitos, kudai kuuluu Volkswagen Group – laitoksien joukkoh. Audi AG azuu Audi-merkillizii mašinoi. Laitoksen piätaloi on Germuanien Ingol’štadtan linnas. Laitoksen tunnussanat ollah Vorsprung durch Technik (”Kehitys tehnolougienloin kauti”). Vuvvennu 2016 laitoksel azuttih 1 903 259 mašinua.
![](http://upload.wikimedia.org/wikipedia/commons/thumb/2/2d/Audi_S4_%28B9%29_front.jpg/300px-Audi_S4_%28B9%29_front.jpg)
Audi on Auto Union -laitoksien joukon perii. Auto Unionah kuului nelli laitostu, kuduat azuttih mašinoi da motocikloi merkilöil DKW, Horch, Audi da Wanderer. Enzimäine Wanderer-merkilline mašin oli azuttu vuvvennu 1913. Vuvvennu 1899 Avgust Hor’h perusti oman enzimäzen laitoksen nimel Horch & Co. Ga kreditoroin periä hänele pidi lähtie ruavospäi. Vuvvennu 1909 oli perustettu Audi Automobil-Werke (Audi-nimine avtozavod). Vuvvennu 1910 oli azuttu enzimäine mašin. Germuanien kielespäi kiännetynny Horch-sana karjalakse on ”kuule”. Konzu uvvele laitoksele ečittih nimie, Avgustan erähän ruadodovarišan poigu ehoitti kiändiä laitoksen alguhpanijan nimen latinakse. Muga rodih Audi-nimi. Audire (”kuulta”) -verbi toizen persounan yksikön imperatiivas on audi (”kuule”).