Caer

Lähteh Wikipedii
Siirry navigaatioon Siirry hakuun

Caer (kymrikse) libo Chester (angliekse) on linnu Anglies lähil Kymrinmuan rajua.

Caeran kymriläzet[Kohendele | Kohendele tekstua]

Hos Caer sijaiččou Kymrinmuan ulgopuolel, se on roinnuh tärgiekse linnakse kymriläzilegi. Jo 1000-luvul kymriläzet käydih jarmankale Caerah da vuozisadoin aijan kymriläzien muuttoliikeh sinne oli toinah raviembua migu yhtehgi Pohjas-Kymrinmuan omah linnah.[1] Enne 1700-luguu muuttujat sulavuttih terväh anglienkielizih, ga linnan eläjien kymriläzet juuret nävytäh ezimerkikse sinny, ku vuvvel 1818 joga kolmandel linnas iänioigevuttu käyttänyöl miehel oli kymrilästy alguperiä olii sugunimi.[2] 1700-luvun algupuolel Caeras allettih painua kymrinkielizii kirjoi da vuvvel 1790 kymrinkielisty lehtie.[3] Samoih aigoih linnah muuttunuot kymriläzet allettih säilyttiä parem omua kieldy da azuttih kymrinkielizii kirikkölöi. Enimyölleh Caeras ruadoi viizi kymrinkielisty kirikkyö da nygöigi niilöis on jällel vie yksi.[4][5] Vuvvel 1851 linnan eläjis yksitostu procentua oli roinnuh Kymrinmuas[6] da vuvvel 1866 kymrin kielen kunnivokse joga vuozi piettävy kanzalline Eisteddfod-pruazniekku järrestettih Caeras.[7] Nygöigi linnas eläy kymrinkielizii da sie ruadau Caeran kymriläzien siebru (kymrikse Cymdeithas Cymry Caer), hos sen jäzenmiäry ongi vähennyh 2000-luvun algupuolel.[8]

Lähtiet[Kohendele | Kohendele tekstua]

  1. https://www.british-history.ac.uk/vch/ches/vol5/pt1/pp1-8
  2. https://www.british-history.ac.uk/vch/ches/vol5/pt1/pp1-8
  3. https://www.british-history.ac.uk/vch/ches/vol5/pt1/pp1-8
  4. https://www.bbc.com/cymrufyw/37471540
  5. https://www.bbc.co.uk/programmes/p0491wd6
  6. https://www.british-history.ac.uk/vch/ches/vol5/pt1/pp1-8
  7. https://www.bbc.co.uk/cymru/gogleddorllewin/papurau_bro/llanw_llyn/newyddion/ebrill05.shtml
  8. https://www.bbc.com/news/uk-wales-28488729