Carelia
Carelia on ven’alaine literatuuružurnualu suomen kielel. Se piäzöy ilmoih kaksi kerdua vuvves Periodika-julguamos.
Histourii[kohenda | kohenda tekstu]
Žurnualua ruvettih julguamah Petroskoil joga kuudu vuvves 1928 algajen Punakantele-nimel.
Vuvvennu 1930 Punakantele- da Soihtu -žurnualat oli liitetty yhteh. Uuzi painos sai Rintama-nimen. Vuodessah 1934 sidä painettih Leningruadas.
Vuvves 1937 vuodessah 1940 žurnualu oli karjalankieline, kirjutukset oldih kiriličäl.
Vuvvennu 1940, konzu oli jo perustettu Karjalas-Suomelaine sosialistine nevvostotazavaldu, žurnualu uvvessah rodih suomenkielizekse. Sil oli annettu uuzi nimi – Punalippu. Suuren Ižänmuallizen voinan aigua žurnualua ei painettu.
Vuvvennu 1978, konzu žurnualu täytti 50 vuottu, se sai Rahvahien ystävysordenan.
Vuvvennu 1990 žurnualu sai Carelia-nimen. Piätöksen sen ilmoih piäständäs luajittih Karjalan tazavallan halličus, Inkeri-liitto, Karjalan Rahvahan Liitto sego Vepsän kul’tuuruseuru.
Piätoimittajat:[kohenda | kohenda tekstu]
- Uljas Karlovič Vikström vuvves 1955 vuodessah 1970
- Nikolai Grigorjevič Gippijev vuvves 1970 vuodessah 1981
- Kalle Ranta vuvves 1981 vuodessah 1988
- Galina Pronina vuvves 1988 vuodessah 1991
- Paavo Vuotilainen vuvves 1991 vuodessah 1973
- Robert Petrovič Kolomainen vuvves 1992 vuodessah 2014
- Armas Vladimirovič Mašin sulakuus 2014 nygypäivissäh