Giatsintu
Giatsintu (lat. Hyacínthus) on kazvilaji, kudai kuuluu Sparžan (Asparagaceae) rodukundah.
Kukan nimi on tulluh muinažugrecien starinas, kudai sanelou Spartan prinsas Giatsintas, kuduan petties kižan aigah tapoi Apollonu. Starinan mugah Giatsintan veres rodihgi tämä kukku.
Giatsintan kukat voijah olla eri värii: valgiet, keldazet, ruskiet, rouzovoit, sinizet, kai mustatgi. On eriväristy kukkua. Giatsintoi kazvatetah siemenis libo laukkazis. Konzu kylvät siemendy, sit kukan kazvoh menöy enämbi aigua. Kukat ruvetah kukkimah vai viijen-kuvven vuvven peräs. Enimyölleh siemendy kylvetäh sellektsionierat, nenga hyö suajah uuttu kukkulajii.