Jäiččy
Jäiččy on moneh eri tabah käytös olii ristikanzan syömine. Pädevinny da puaksumbah toizii sydävinny ollah kanan jäičät, vaiku kai linduloin jäičät ollah syödävät. Paiči sidä syödävinny ollah erähien vedeliskölöis jäičät (ezimerkikse suojuslöpšöin).
Jäičän hiimielline yhtisteh
[kohenda | kohenda tekstu]| Jäičän laji | Yhtisteh, % | Kalourien yhtisteh jäičän 100 g, kcal/kJ | ||||
|---|---|---|---|---|---|---|
| Protein | Razvu | Hiilihydratat | Minerualuainehet | Vezi | ||
| Kanan jäičät | 12,57 | 12,02 | 0,67 | 1,07 | 73,67 | 158/663 |
| Sorzan jäičät | 12,77 | 15,04 | 0,30 | 1,08 | 70,81 | 184/772 |
| Hanhen jäičät | 13,90 | 13,30 | 1,30 | 1,10 | 70,40 | 180/756 |
| Kalkunan jäičät | 13,104 | 11,80 | 1,20 | 0,80 | 73,1 | 165/693 |
Kanan jäičän syömisarvo
[kohenda | kohenda tekstu]Jäičäs on jäičän valgijaine da keldajaine. Keldajazes on proteinua, mugai razvua da holesterinua. Jäičän valgijazes on 90% vetty da 10% valgijastu. Jäičän kuoren, valgijazen da keldajazen massan väli on läs 12:56:32.
Lajit
[kohenda | kohenda tekstu]Enimyöte syvväh kanan, sorzan da hanhen jäiččii. Syvväh sežo kalkunan, peldokanan, stručin da toizien linduloin jäiččii. Erähien kandoin kanat annetah erivärizii jäiččii. Jäičän väri ei vaikuta sen syömisominažuksih. Ven'al da Amerikas kanan jäičät tavan mugah ollah valgiet da bežät, Anglies net ollah maksankarvazet.
Kanan jäičan merkičys
[kohenda | kohenda tekstu]Nygyaigazen Ven'an standartoin mugah merkičys pidäy olla jogahizel jäičäl, kudai on suattu siibikarjanfabrikas. Enzimäine merki merkičykses merkiččöy säilyttämizen aigua:
- Kirjain "D" tarkoittau diettujäiččiä, moizii jäiččii pidäy myvvä seiččemes päiväs.
- Kirjain "C" tarkoittau syömisjäiččiä, kuduadu pidäy myvvä 25 päiväs.
Toine merki merkičykses merkiččöy jäičän kategouriedu. Kategourii rippuu jäičän massas:
- Kolmas kategoutii (3) - 35 - 44,9 g.
- Toine kategourii (2) - 45 - 54,9 g.
- Enzimäine kategourii (1) - 55- 64,9 g.
- Vallittu jäiččy (0) - 65 - 74,9 g.
- Korgein kategourii (B) - 75 g. da enämbi.
Mugai markirovku "CB" pannah jäičile, kudai on syömisjäiččän korgevin kategourii, a "D1" jäičile, kudamat ollah enzimäzen kategourien diettujäiččii.
Kaččomattah kategourieh, jäičän luadijat sodah andua jäičile mieldykiinnittäjiä ominažuttu. Ezimerkikse on olemas jäičät, kudamil on kirkahat keldajazet libo kaksi keldajastu, jäičät, kudamat ollah rikastetut seleniumal libo joudal.