Kaššali

Lähteh Wikipedii
Siirry navigaatioon Siirry hakuun

Kaššali on vahnu tuohine vehkeh kandamizih niškoi. Nägemäl kaššali on ku kanvertu libo tämän päivän reppu. Kaššalis on kaksi viilehtesty (”kandoremenii”). Enne karjalazet otettih kaššalii meččäh muarjah da gribah. Piettih sit kalua. Pandih sih evästy meččäh libo niityle mennes. Karjalazet luajittih kaššalit tuohes – koivun ulgokojas. Tuohi on luja, kebjei da helpoh suadavu materjualu.

Arbaitukset[Kohendele | Kohendele tekstua]

Meččäh menöy – kodih kaččou, kodih tulou – meččäh kaččou. (kaššali)
Mies meččäh menöy sada silmiä selläs. (kaššali)

Frazeologizmat[Kohendele | Kohendele tekstua]

Kačot ku lehmy uudeh kaššalih. (”kummeksijen”)
Kaššalipiä – sanotah ristikanzas, kudamas on suuri piä.
Kaššalivačču – sanotah ristikanzas, kudamal on suuri maha.