Karjalan Rahvahan Liitto

Lähteh Wikipedii
Siirry navigaatioon Siirry hakuun
Karjalan Rahvahan Liitto
Karjalan Rahvahan Liitto

Karjalan Rahvahan Liitto (suom. Karjalan Kansanliitto) on Karjalan paikalline yhteiskunnalline kanzallisjärjestö, kudai säilyttäy da kehittäy karjalazien kul'tuurua da kieldy. KRL ruadau Karjalan tazavallas da on yhtevyksis karjalazien kul'tuurujärjestölöin kel.

Histouri[Kohendele | Kohendele tekstua]

Petroskois vuvvennu 1989, 25. oraskuudu Karjalazet: etnossu, kieli, kul'tuuru, talovus, probliemat da kehittämine -tiijollispraktikkallizen konferensien ruavon aigah oli perustettu Karjalan kul'tuuran järjestö, kudai sit nimitettih Karjalan Rahvahan Liitokse. Vuvvennu 1989 järjestö oli registriiruittu.

Tavoittehet[Kohendele | Kohendele tekstua]

  • Karjalan kielen da karjalazien perindöllizen kul'tuuran säilyttämine da kehittämine.
  • Tazavallan kandurahvahan perindölöin da kielen kunnivoičuksen kazvatus.
  • Karjalan etnosan mennyön da nygyaijan tiedoloin tutkimine da levittämine.
  • Rahvahale targevien projektoin da progruamoin luadimine.

Järjestön toimindu[Kohendele | Kohendele tekstua]

  • Liitto rodih Oma Mua (1990) da Vienan Karjala (2000) -karjalankielizien lehtien da Carelia-žurnualan (1990) erähäkse perustajis.
  • Liitto kehoitti karjalan kielen ozastoloin avuandan Petroskoin valdivoyliopistoh da Karjalan pedagouguyliopistoh (1990)
  • Liitto perusti karjalazen pajon Oma pajo -horan Karjalan Kanzallizien kul'tuuroin keskukses (1990).
  • Liitto perusti Karjalan Rahvahan Liiton ozastot karjalazien kompaktizis eländypaikois.
  • Liitto perusti karjalankielizen Čičiliusku-tyttiteatran Karjalan Kanzallizien kul'tuuroin keskukses (2007).
  • Liitto da Karjalan Sivistysseura pietäh Rahvahienvälizet karjalan kielen kezäkursit.

Piäliköt[Kohendele | Kohendele tekstua]

  • Mihail Andrejevič Goškijev, 1989—1990
  • P'otr Mefodijevič Zaikov, 1990—1999
  • Aleksandr Lukič Volkov, 1999—2001
  • Mihail Andrejevič Goškijev, 2001—2002
  • Natalja Anatoljevna Sinitskaja, 2009—2011
  • Jelena Ivanovna Migunova, 2011—2014
  • Natalja Petrovna Vorobei, vuvvespäi 2014

Projektat[Kohendele | Kohendele tekstua]

  • Pajon paja -projektu
  • Karjalazien pruazniekat (2011), Karjalaine Pyhkin, Perehen histouri (2006) -levylöin luadimine (den'goil autti Karjalan kanzallispoliitikan ministerstvu).
  • Vuvvespäi 2009 pienien karjalankielizien kalenduariloin luadimine.
  • Kižuammo karjalakse -progruammu, kudaman mugah Vieljärves, Jessoilas da Petroskoin školis opastettih karjalazien perindöllizih kižoih.
  • Rahvahan tyttiteatran "Čičiliusku" gastroulit kogo Karjalas.
  • Master-kluasat lapsih niškoi (tuttavus karjalazien syömizen, soittimien, tansiloin da kižoin kel).
  • Likbez-projektu, kudaman mugah kylien eläjii opastettih lugemizeh karjalakse.
  • Karjalan kost'umu -projektu (kanzallizen ruutan ombelendan master-kluassu) 2012.
  • Kriukku on karjalazien brendu -projektu (kriukkah kižuamizen opastusseminuaru).
  • Vessel karjalan kieli -projektu (lapsien stolakižoin luadimine) 2012.
  • Paginkanzu-projektu (paginkluubu karjalan kielel) 2012.