Kniigu "Karjalaine taloi"
Suuri tekstuKniigu "Kaarjalaine taloi" (ven'akse "Карельский дом") on karjalazen taloin perinpohjaine tutkimus. Kirju on piästetty ilmah Petroskoin valdivonyliopiston julguamos vuvvennu 2010. Sen luadijoinnu ollah Petroskoin valdivonyliopiston professoru, arhitektuuran douhturi V’ačeslav Orfinskii da arhitektoru Irina Grišina.
Histourii
[kohenda | kohenda tekstu]Karjalaine taloi -kirju on nellän enne piästetyn kirjan jatkonnu. Vuvvennu 1997 nägi päivänvalgien kirju “Suisar: sen histourii, elos da kultuuru”, vuvvennu 2001 piästettih ilmah “Prokkol’a da sen lähimuat”, vuvvennu 2003 – Puanajärvi-kirju, vuvvennu 2008 – Siämäjärvi-kirju. Kai net ollah luajittu Petroskoin valdivonyliopiston projektoin hantuzis. Molletit Karjalaine taloi –kirjan luadijat ollah nämmiengi kniigoin luadijoinnu, heijän kirjutuksii karjalazien arhitektuuras suau lugie niilöis.
Materjualan keriändy
[kohenda | kohenda tekstu]Materjualua “Karjalazeh taloih” nähte arhitektuuran tutkijat kerättih monien vuozien aigah. Enzimäzet tutkimusmatkat karjalazih kylih oldih vie 1950-vuozil. Keräl nämmis tutkimusmatkois oldih fotokuvuajatgi. “Karjalazeh taloih” on otettu kahten fotokuvuajan kuvat. Erähänny niilöis on voinuveteruanu Boris Boitsov, kudai monien vuozien aigah on kuvailluh Karjalan muan arhitektuurua.
Syväindö
[kohenda | kohenda tekstu]“Karjalazes talois” tarkah on sanottu, mittumat oldih karjalazet kylät, kuibo niidy srojittih. Erikseh on kirjutettu karjalazeh taloih nähte, kudaman levon al oli kai, midä pidi rahvahale eläjes. Kirjan luadijat erikseh kirjutetah karjalazen taloin čomendamizes. Jogahine taloin ižändy tahtoi čomembakse luadie taloin oččuseinän. Oldihgo galdarit talolois, oldihgo čomasti vestetyt naličniekat.