Kottaraine

On otettu Wikipedii-späi
Kottaraine


Kottaraine[1] (lat. Sturnus vulgaris L.) kuuluu kottarazien pereheh. Karjalas tädä linduu on kaikkiel.

Ulgonägö[kohenda | kohenda tekstu]

Kottaraine on pieni lindu, 18,7-21,2 piduhuttu, sen paino on 75 grammua. Kottarazen aglu on lyhyt, n’okku pitky, tervävy da alhapäi painui, havvonduaigah se on keldaine, toizel aogua – mustu. Kottarazen väri on mustu.

Muutandu[kohenda | kohenda tekstu]

Kottaraine on muuttolindu. Keviäl Karjalah se tulou jo 21. kevätkuudu, ga enimyölleh sulakuun enzimäzinny päivinny. Enzimäzikse kottarazet tullah Suvi-Karjalah. Ižäčyt tulduu ruvetah kaččomah da hoidamah pöntölöi, vietäh niilöispäi mullozien pezien jiännöksii da čiuččoloin talvipezii.Karjalan kottarazien talven vietändykohtat ollah Velikobrituanies da Pohjazen meren rannikol.

Pezoitundu[kohenda | kohenda tekstu]

Karjalas kottarazet pezoitutah enimyölleh pöntölöih, kudamii äijin pannah rahvas. Konzu pöntälöi ei ole, luajitah pezii levoloin kon’kulavvoin alle. Toiči pezoitutah meččih, kudamat ollah linnoin da kylien, niittylöin da peldoloin lähäl.

Havvondu[kohenda | kohenda tekstu]

Kottaraine rubieu haudomah poigazii sulakuun lopus-oraskuun allus, haudou se vaiku kerran kezäs. Poigazet lähtietäh pezäspäi oraskuun lopus-kezäkuun allus.

Literatuuru[kohenda | kohenda tekstu]

В.Б. Зимин, Э.В. Ивантер. Птицы. Петрозаводск, 2002

Lähtiet[kohenda | kohenda tekstu]

  1. http://kaino.kotus.fi/cgi-bin/kks/karjala.cgi?a=kottaraine