Listozauru
Listozauru on täyzin hävinnyh, dikinodontoih kuului terapsidisugu, kudai eli permikavven lopus da triaskavven allus nenga 252,3–215,3 miljonua vuottu tagaperin. Sen eländyaloveh parahimuolleh leveni läs kogo muailmah, konzu kai muailman manderehet muuvvostettih Pangea-jättiläsmanderehen. Listozauru on yksi harvois tetrapodoin sugulois, kuduat selvittih permikavven lopun joukkolajinhäviendäs. Aigazen triaskavven lopus se oli ylehizin mual elänyh, selgyrangalline elätti.
Ominažuot
[kohenda | kohenda tekstu]Listozauru oli kazvinsyöjy. Sil oli lyhyt turbu, suuret silmykuopat da dikinodontoile tipičnoih luaduh buiteku sarvekse kovennuh n’okku da kaksi kulmuhammastu ylälevvas. Nämmien kahten hambahan lizäkse elätil ei olluh hambahii. Suurin -laji kazvoi 2,5 metrin piduhizekse da pienin 0,6 metrin piduhizekse. Listozauru vadrastui täyzigäzekse ravieh da on mahto sih, gu se avvutti sidä permikavven joukkolajinhäviendäs selviendäs.