Louis Pasteur

Lähteh Wikipedii
Siirry navigatsii, eči
Louis Pasteur
Портрет
Ammatti: mikrobiologi, kemisti, yliopisto-opettaja, biokemisti
Rodivui: 27. talvikuudu 1822(1822-12-27)[1][2][3][4][5]
Roindukohtu: Dole[d][6]
valdkund: Flag of France.svg Frantsii
Kuoli: 28. syvyskuudu 1895(1895-09-28)[1][3][4][5] (72 года)
Kuolendukohtu: Castle of Villeneuve-l'Étang[d], Marnes-la-Coquette[d][7]
nimikirjutus: Louis Pasteur Signature.svg
Louis Pasteur VikiAitas
Louis Pasteur
Louis Pasteur

Louis Pasteur (27. talvikuudu 182228. syvyskuudu 1895) oli frantsielaine mikrobiolougu da hiimiekku. Pasteur mikrobiolougien puoles sellitti muijotuksen kävyndiä da ristikanzan monien taudiloin pohjua, mindäh sendäh rodih erähänny mikrobiolougien da immunolougien alguhpanijois. Hänen tutkimusruavot kristalloin rakendehes da pol’arizatsien ilmivös ollah stereohiimien pohjannu. Pasteur pani loppuh monii vuozisadoi kestänyön kiistan erähien eloformien ičerodivundas, koittehien vuoh sen sellittäjen. Hänen nimi on kuulužu ei vaiku tiedomiehien keskes hänen keksityn da jällespäi hänen nimen suannuon pasterizatsien tehnolougien hyvyös.

Eloskerdu[Kohendele | Kohendele tekstua]

Pasteur oli roinnuhes Frantsies Juras vuvvennu 1822. Hänen tuattah oli nahkua ruadai da Napoleonan voinien veteruanu. Pasteur opastui Arbuan kolledžas, kus oli nuorimannu opastujis. Opastujes häi kiinnostui lugemizeh da rodih opastajan abuniekakse. Sit häi sai nuoriman opastajan virran Besansonas da yhtel aigua jatkoi opastundua. Sigäläzet opastajat kehitettih händy Korgevimah normualuškolah Pariižah. Häi piäzi opastumah sih vuvvennu 1843 da loppi sen vuvvennu 1847.

Pasteur oli nerokkahannu taidoilijannu, hänen nimi oli XIX vuozisuan portriettutaidoilijoin luvettelos. Hänen 15-vuodizennu mualatut kuvat nygöi ollah ruokos Pasteuran instituutas Pariižas. Pasteur ei jatkanuh piirustandua, sendäh ku kiinnostui hiimieh.

Kodvazen aigua häi oli fiiziekan professorannu Dijonan yliopistos, sit rodih hiimien professorakse Strasburgan yliopistos. Sie vuvvennu 1849 häi tuttavui yliopiston rektoran tyttärenke – Mari Lorananke. Sinä vuon hyö mendih yhteh da heile rodih viizi lastu. Vaiku kaksi lastu eli täydeh igäh, kolme kuoli lavantaudih. Omat gor’at pandih Pasteurua tutkimah da eččimäh rohtuo tartujih taudiloih, lavataudihgi. Vuvvennu 1854 Pasteur pandih uvven luonnontiedoloin tiedokunnan piälikökse Lilles. Vuvvennu 1856 häi muutti Pariižah, kus rubei Korgeviman normualuškolan opastusalan johtajakse da ottavui opastuksen uvvistandah. Tutkindoloin sistiemu tämän myödäh rodih äijiä vagavembi, se avvutti hyvien tuloksien suandas, tiedoloin lujittamizes da ližäi opastuslaitoksele arvožuttu.

Tutkijan mustokse[Kohendele | Kohendele tekstua]

Pasteuran nimi on annettu enämbi migu 2000 uuličale muailmas. Ven’al Pasteuran nimi on Epidemiolougien da mikrobiolougien tiedo- da tutkimusinstituutal Piiteris. Se on perustettu vuvvennu 1923.

Vuvvennu 1961 Kanzoinväline tiähtientiijustelijoin liitto andoi Louis Pasteuran nimen kruatterale Kuudaman vastupuoles.

Mieldykiinnittäjiä tieduo[Kohendele | Kohendele tekstua]

Pasteur tutki biolougiedu da parandi rahvastu, ga häi ei suannuh nigo liečetiijon, nigo biolougien opastustu.

Vuvvenu 1868 (45 vuvven ijäs) Pasteural oli verenvalundu aivoloih. Häi rodih niistiekse, ei voinnuh ruadua hurual käil da huruadu jalgua ribaitti muadu vaste. Häi vähäl ei kuolluh, ga jäi hengih da parani. Tämän jälgeh häi luadi suurimat ruavot: luadi rokotusainehen siberin märgäh da rokotuksen uravuoh. Konzu tutkii kuoli, tiijustettih, ku suurin vuitti hänen aivolois oli rikottu.

Pasteur oli palkittu läs kaikkien mualoin kunnivomerkilöil. Kaikkiedah häi sai läs 200 eri palkinduo.

  1. 1,0 1,1 RKDartists Проверено 23 августа 2017.
  2. Louis Pasteurministère de la Culture.
  3. 3,0 3,1 Louis Pasteur
  4. 4,0 4,1 http://snaccooperative.org/ Проверено 9 октября 2017.
  5. 5,0 5,1 Nationalencyklopedin Проверено 9 октября 2017.
  6. [[::d:Q17378135|Пастер Луи]] — Москва: Большая российская энциклопедия, 1969. Проверено 28 сентября 2015.
  7. Annonce de la mort de Louis Pasteur à l'Académie des sciences — 1895. Проверено 19 июня 2017.