Mirella Cortès

Mirella Cortès i Gès on Katalunien tazavaldalastu hurualistuo evustai katalunielaine poliitikku. Häi ruadoi Sallentan munitsipalititetan piälikönny vuozil 2003–2007^[1] da vuvvennu 2016 häi oli Katalunien parluamentan nimitetty evustai Ispanien senuatas.^[2] Vuvvennu 2018 händy nimitettih uvvessah senuattah.^[3] 8. oraskuudu 2018 häi oppi vannuo virguvalan nelli kerdua kataluanakse, ga senuatan paginanvedäi keskusti Cortèsan joga kerral da vuadi händy pagizemah ispanien kieldy Ispanien rahvahanpuolovehen (kat. Partit Popular, isp. Partido Popular) evustajien möngyjes samah aigah Cortèsile da aplodiiruijes paginanvedäjän vuadimuksele.^[4] Lopukse Cortès myöndyi vannomah valan ispaniekse ga lugijen sen yksikai vie kerran kataluanakse enne ispanienkielisty kiännösty. Häi sežo kuuloitti valas, ku häi uskaldau ruadua sih niškoi, ku "poliittizet tyrömšiekat piästettäs tyrmäspäi, poliittizet pagolazet voidas tulla järilleh da Katalunien tazavaldu azuttas".^[5]

Lähtiet[kohenda | kohenda tekstu]

[1] ttps://mirellacortes.wordpress.com/coneix-me

[2] ttp://www.senado.es/web/composicionorganizacion/senadores/composicionsenado/fichasenador/index.html?id1=17328&legis=11&id2=g

[3] ttps://www.naciodigital.cat/noticia/149563/erc/tornara/nomenar/mirella/cortes/bernat/picornell/senadors

[4] ttps://www.vilaweb.cat/noticies/el-president-del-senat-espanyol-intenta-humiliar-una-senadora-derc-obligant-la-a-prometre-en-castella

[5] ttps://www.ara.cat/politica/Picabaralla-president-Senat-parlamentaris-prometre_0_2010999087.html

[1]

[2]

[3]

[4]

[5]