Nuori Karjala

Lähteh Wikipedii
Siirry navigaatioon Siirry hakuun

«Nuori Karjala» on yhteiskunnalline nuorižoliitto Karjalan tazavallas.


Histourii[Kohendele | Kohendele tekstua]

Liitto oli perustettu 17. talvikuudu vuonnu 1993 (registriiruittu 9. tuhukuudu vuonnu 1994). Nuori Karjalan luadii oli Petroskoin Valdivon Yliopiston Itämerensuomelazien kielien da kul’tuuran tiedokunnan luomisnuorižon joukko, Nadežda Kalmikova (Kuznetsova) johti tädä joukkuo. Piätehtävänny oli Karjalan itämerensuomelazien (karjalan, vepsän da suomen) rahvahien kul’tuuran da kielien säilyttämine. Oman perustamizen vuonnu «Nuori Karjala» tuli Suomelas-ugrilazien rahvahien nuorižoliittoh (МАФУН). «Nuoren Karjalan» ozanottajat enimyölleh ollah nuoret ristikanzat: opastujat, Karjalan instituuttoin loppijat, ruadajat. Järjestön aktivistat ruatah karjalankielizis lehtis, radivos, teleohjelmis, kul’tuurukeskuksis, yliopistolois, istituuttois i m.i.

«Nuori Karjala» on ulgomualaine agentu[Kohendele | Kohendele tekstua]

Ulgomualazen agentan stuatussu annetah liittoloile, kuduat otetah ozua poliittizes elaijas da suajah ulgomualline rahoitus. Vuonnu 2015 oraskuus Karjalan Oigevusministerstvu piettih ylimiärästy Nuori Karjala – liiton toimindan dokumentoin tarkastustu nimettömän ristikanzan ilmoituksen periä. Kezäkuus Ven’an Oigevusminiserstvu merkičči liiton ulgomualazien agentoin luguh. Tämän periä Nuori Karjalan – liiton ozanottajien miäry oli lyhendetty kolmesuavus kymmenessäh. Ližäkse tiedoloin piästäjes ilmoih Internietis pidäy ozuttua ulgomualazen agentan stuatussu.

Nuori Karjala – liitos ei suostunnuh Oigevusminiserstvan piätökseh da ilmoitettih, gu liitto ei ota ozua poliittizes elaijas da ei sua ulgomualazii den’goi. Petroskoin linnan suvvos liitto ei voitannuh dieluo. 27. elokuudu vuonnu 2015 «Nuori Karjala» piätti loppie omua toimindua. 22. syvyskuudu 2015 uuzi liitonjohtai Aleksei Tsikarev uvvessah perusti «Nuori Karjala» liiton. Uuzi «Nuori Karjala» on registriiruittu 27. pakkaskuudu 2016.

Toimindu[Kohendele | Kohendele tekstua]

«Nuori Karjala» pidäy kul’tuuru-tiijonandamizii toimenpidoloi Karjalas: pruazniekkallizii ilaččuloi, sportupidoloi, folkmuuzikkumarafonoi, etnokul’tuuruluageriloi. Etnokul’ultuuru- da etnotiijonandamisproektoi on liiton piäruado. Liitto ottau ozua Muailman suomelas-ugrilazien rahvahien kongressois.

Liitonjohtajat:[Kohendele | Kohendele tekstua]

  • Nadežda Kalmikova (Kuznetsova)
  • Maksim Turenkov
  • Ol’ga Ogneva
  • Tatjana Timofejeva
  • Jekaterina Maksimova
  • Natalja Antonova (2006—2011)
  • Alina Čuburova (2011 – 2015)
  • Aleksej Tsikarev