Ondrei

Ondrei
Ammatti:	taiteilija

Ondrei on ainavo liygiläine räppäri. Ondrein oma nimi on Andrei Gorškov.

Juuret

Ondrei on roinnuhes Anukses liygiläzien pereheh. Lapsusaijas kuuli karjalua.

Opastundu da ruado

Opastui Petroskois Kanzallizen teatran stuudies, kudai ruadoi Karjalan kul’tuuruopistos. Opastuhuu vuvvennu 2010 tuli ruadoh sih samazeh Kanzallizeh teatrah, kudamas nygöi ezittyy spektaklilois karjalan, suomen da ven’an kielel.

Muuzikkualal

Školas opastujes mieldyy räp-muuzikkah. Petroskois opastujes rubei räppäilemäh omal muamankielel – livvikse. Enimien pajoloin sanat kirjuttau iče. Vuvvennu 2016 sulakuul nägi päivänvalgien pajattajan enzimäine disku. Sen nimi on ”Karelication” da sit on kymmene pajuo livvikse. Net ollah Karjalas da karjalazis. Pajattai tahtou ozuttua, ku karjalan kieli on elävy kieli da sil paistah nuoretgi.

”Karelication” on keksitty nimi, diskan loppusanois pajattai sellittäy sidä. Diskan kanzi rodih erinomaine da ainavoluaduine. Se on luajittu kallivopiirustuksien tabah da on šokoluadan värii. Se on taidoilijan Jegor Kukuškinan nägemys. Nenga tahtottih yhtistiä vahnua rikastu perindyö da nygyaigua.

Suavutukset

Vuvvennu 2015 Andrei Gorškov yhtyi kanzoinvälizeh Mister-Etno-kilbah, kudai piettih Uljanovskas da rodih sen voittajakse. Kilvas Ondrei ezitti omua kanzua da pajatti omal kielel.

• Lugie ližiä pajattajas da kuunnella hänen pajoloi voibi vkontakte-saital Ondrei-joukos.