Počinbuolu

Lähteh Wikipedii
Siirry navigaatioon Siirry hakuun
Arctostaphylos uva-ursi - Köhler–s Medizinal-Pflanzen-013.jpg

Počinbuolu (lat. Arctostáphylos úva-úrsi) on tuhjo, kudai kuuluu kanabron (Ericaceae) pereheh. Kazvau Ven’an Jevrouppuozas, Siberis, Loittozes Päivännouzus. Kazvai havvu- da lehtimečis, avvonazil hiekku- da kivikohtil, palateksil da kuattuloin meččien kohtal kazvau tukkunah.

Ulgonägö[Kohendele | Kohendele tekstua]

Počinbuolu nägemäl on ku buolu. Sen varvat vai ollah lyhembät da marjan sydämes on luuhut. Se on ainosvihandu tuhjo, sen varzi kazvau muadu myöte da voi olla kaksi metrii. Počinbuolu kukkiu oraskuul. Marjat kypsetäh heinykuul-syvyskuul. Marjat ollah kuivaččimet, ei ole mehty niilöis.

Käyttö[Kohendele | Kohendele tekstua]

Počinbuolua käytetäh mujuttamizes da tervehytty parandajes. Karjalazet počinbuolan kuoreh mujutettih langua, jupkan loimii, sit net roittih muzavansinizet. Niilöin marjoi syvväh mečästyslinnut.

Tervehyöle hyvä[Kohendele | Kohendele tekstua]

Lehtilöis keitettyy juomistu juvvah kuzipuzurin taudiloih. Lehtilöi da varzii otetah keviäl enne kukindua libo sygyzyl, konzu jo marjat ollah kogonah kypsät. Niidy sit kuivatah.