Ruahto

Lähteh Wikipedii
Siirry navigaatioon Siirry hakuun
Ruahto
Ruahto

Ruahto libo rahto on maidoeineh, kuduadu käytetäh Päivännouzu- da Pohjazes Jevroupas. Sidä suajah hapattajes maiduo da sit hävitetäh ruahtomaijonvetty. Ruahtuo lajitellah razvan miärän mugah. On olemas moizet ruahtolajit: ilmai razvua, razvatoi, klassiilline (perindönmugaine) da razvaine.

Anglienkielizes kul’tuuras ruahtuo pietäh nuoren pehmien juuston lajinnu, a ven’ankielizes sidä tavan mugah ei pietty juuston lajinnu.


Ruahton lajit[Kohendele | Kohendele tekstua]

Varustandutavan mugah[Kohendele | Kohendele tekstua]

On olemas kaksi ruahton varustandutabua: perindönmugaine (tavalline) da erikseh luajittu.

Maijon happanemistavan mugah (perindönmugazes tavas) ruahto voi olla kislotnoi da kislotno-sičužnoi.

Kislotnoidu ruahtuo luajitah tavan mugah maijos, kudai on ilmai razvua. Maidoh ližätäh hapatustu, sit maido happanou. Kislotno-sičužnoi ruahto eruou kislotnois sil, gu täs käytetäh sičužnoidu fermentua (pepsinua) da maijon bakteerieloin hapatuksii.

Erikseh luajittu ruahto eruou tavallizes sil, gu puhtastu maiduo eroitetah, štobi suaja mauduo da sliuhkoi ilmai razvua. Maijos, kudamas ei ole razvua, suajah ruahtuo ilmai razvua. Tädä ruahtuo vilustutetah da sevoitetah sliuhkoinke.

Ominažuksien mugah[Kohendele | Kohendele tekstua]

  • Razvaine (19-23%);
  • Klassiilline (4-18%);
  • Puolirazvaine (razvatoi) (1,8%)
  • Ruahto ilmai razvua.
  • Ližienke (iz’um, kuivatut puunandimet, oriehat, tsukatat imi.);
  • Kal’tsinirovannoi


Varustandu[Kohendele | Kohendele tekstua]

Tevolližuslaitoksil ruahtuo luajitah nenga: luajitah pättävy maijon razvus, pasterizuijah da valetah vannoih. Vannois on miärätty lämbötila (28-30 °С). Lämmäh maidoh ližätäh hapatustu da pepsinua. Sen jälles (hapatuksen aigu on läs 8 čuassuu) vannas roitah ruahtojyvät. Sit roih ruahtomaijonvezi – läbinägyi keldaine vezi. Varustandan lopus suurdu ruahtopalua leikatah kielilöil pienikse paloikse, štobi ruahtomaijonvezi lähti iäre parembi. Sit ruahtojyvät puristetah da vilustutetah.


Käyttämine kulinuaries[Kohendele | Kohendele tekstua]

Enne käyttyö ruahtuo ainos t’orkatah libo laskietah lihanpilkoimelličäs läbi. Syömisty keitetäh, pastetah, žuaritah, annetah voinke, zuaharinke libo magien sousanke.

  • Sirniekat
  • Ruahtopiiruat
  • Varenikat
  • Äijypäivän piirai
  • Ruahtopastos
  • Ruahtomassu