Toivo Antikainen

Lähteh Wikipedii
Siirry navigatsii, eči
Toivo Antikainen
Портрет
Ammatti: poliitikko
Rodivui: 8. kezäkuudu 1898(1898-06-08)
Roindukohtu: Helsinki, Helsingin seutukunta[d], Venäjän keisarikunta[d]
valdkund: Flag of Finland.svg Suomi
Kuoli: 4. ligakuudu 1941(1941-10-04)[1] (43 года)
Toivo Antikainen VikiAitas
Toivo Antikainen
Toivo Antikainen

Toivo Antikainen (8. kezäkuudu 18984. ligakuudu 1941) on suomelaine poliitiekku, eräs Suomen kommunistoin puolovehen alguhpanijois da piälikkölöis, Ven’al Kanzallizen voinan eräs aktiivizis toimijois. Rodih kuulužakse Suomes da mieros vuozien 1930 aigah poliittizen suvvon jälles, kudamas händy tahtottih suudie ammuttavakse tappamizes.

Lapsus- da nuorusaigu[Kohendele | Kohendele tekstua]

Antikainen rodivui Helsinkih ruadajan pereheh. Hänen vahnembat da vahnembat lapset perehes oldih ruadajien liikkehen aktivistat, Antikainen sendäh aijoi tuli poliitiekan toimiloih. Vuvvennu 1915 häi yhtyi Suomen ruadajien sotsiualu-demokruattizeh puoloveheh, 15-vuodizennu – Suomen ruadajan nuorižon sotsialistizeh liittoh.

Kylmykuul 1917 händy vallittih ruadajien liittoloin ezitystöh Helsinkis da yhtel aigua ruadajien toimehpaniikomitietan sekretarikse. Antikainen ei yhtynyh kanzallizen voinan bojuloih Suomes vuvvennu 1918, ga ruadoi valdivovallan elimis. Voinan lopus pagei monien toizienke Nevvosto-Ven’ale.

Antikainen kommunistannu[Kohendele | Kohendele tekstua]

Vuvvennu 1918 häi yhtyi Ruskieh armieh. Elokuul 1918 yhtyi Suomen kommunistoin puolovehen perustuskerähmöh.

Loppi jalguväenkursat Kanzoinvälizes ruskieloin komandiiroin školas keviäl 1919. Sen jälles oli työtty frontale, yhtyi monih Kanzallizen voinan bojuloih. Antikainen loppi ližäkursat voinutoimilois da ruadoi opastajannu Kanzoinvälizen ruskieloin komandiiroin školas.

Vuvvennu 1921 yhtyi Kronštadtan vastahnouzun hävitändäh.

Pakkaskuul 1922 händy pandih routan piälikökse, kudamah kuului 200 ambujua hiihtäjiä. Hyö oldih ylähän mainitun školan opastujat. Heijän tarkoituksennu oli vastustua valgieloin suomelazien tulendua Nevvosto-Ven’ale. Tämä, jällespäi mollembil puolil rajua Retki Kiimasjärvele -nimen suannuh retki, oli erähänny Ruksien Armien toimilois Karjalan vastahnouzun hävitändäs. Antikazen joukko otti 20. pakkaskuudu 1922 vihollizen luagerin da obozan, sen hyvyös sai vastustua vastahnouzijat. Antikainen tuli urhoinnu da jatkoi ruaduo vojennois školas. Vojennoi karjieru katkoi, konzu vuvvennu 1924 händy pandih Kominternan ruadoh.

Vuvves 1923 häi kuuluu Keskuskomitiettah, vuvves 1925 – Suomen kommunistoin puolovehen keskuskomitietan politb’uroh. Erähien vuozien aigah peitoči oli mainitun puolovehen piälikönny. Vuozien 1930-1933 aigah oli puolovehen ezittäjänny Kominternas. Häi kirjutti kirjukogomuksen puolovehen 15. vuozipäiväkse, kudai piäzi ilmah vuvvennu 1934.

Vuvvennu 1934 Antikastu työttih Suomeh peitollizih toimindoih.

Suudo da kiiniotandu[Kohendele | Kohendele tekstua]

Kylmykuun 6. päivänny 1934 Antikainen da händy peittäi Yrjö Leino otettih kiini. Suomes händy viäritettih valdivon pettymykses, tappamizes da viärendettylöin dokumentoin käytös. Suudo kesti kaksi vuottu. Okrugusuudo suudii hänele 8 vuottu tyrmiä, Korgei suudo 12. kevätkuudu 1937 tappamizes viäritändäs – katourgakse dostalikse igiä. Kuni Antikainen istui tyrmäs eläjät Nevvostoliitos kuulužat suomelazet kommunistat, Rovion da Gyllingan luguh ottajen, oldih hävitetty Stalinan vuardamizien aigah.

Nevvostoliittoh järilleh tulendu[Kohendele | Kohendele tekstua]

Vuvven 1940 Moskovan rauhusobimuksen hyvyös Nevvostoliiton vuadimuksien mugah Antikainen da Adolf Taimi 3. oraskuudu 1940 oli piästetty tyrmäs da annettu Nevvostoliitole.

Sygyzyl 1940 Antikastu vallittih Karjal-Suomelazen nevvostotazavallan Korgeviman nevvoston I kučundukerähmön, Nevvostoliiton Korgeviman nevvoston deputuatakse.

Nevvostoliiton virrallizen versien mugah Antikainen kuoli ligakuul 1941 lendokonehozattomuos Arhangelskan lohkol. On pandu muah Arhangelskah Kegostrov-suarele.

Antikazen mustokse[Kohendele | Kohendele tekstua]

  • Erähäle T’an’-Šanin mägilöis Kazahstuanas on annettu hänen nimi.
  • Hänen nimen suadih pihat Petroskois, Segežas, Kostamukses, Sosnovtsas, Kegostrovas da Kalevalas. Vuvvennu 1970 luajittu laivu sai hänen nimen.
  • Vuvvennu 2008 hänen kalmal oli avattu uuzi mustopačas.

Gennadii Fiš kirjutti pitkän kerdomuksen Antikazen retkes, sen pohjale oli luajittu fil’mu. Runoelman Antikazes kirjutti suomelaine Armas Äikiä. Antikazes kirjutti runuo Jaakko Rugojev da Marat Tarasov.

  1. [[::d:Q17378135|Антикайнен Тойво]] // Большая советская энциклопедия — Москва: Большая российская энциклопедия, 1969. Проверено 27 сентября 2015.