Ukrainan kieli

Ukrainan kielen levitändy

Ukrainan kieli on yksi sluavjuanoin kielispäi. Se on ukrainalazien valdivolline kieli. Ukrainan kieli on ven’an da valgoven’an sugukieli da kuuluu päivännouzuslavjuanoin kielien joukkoh. Ukrainan kielel paistah Ukrainas sego Valgo-Ven’al, Ven’al, Kazahstuanas, Pol’šas, Slovakies, Ruminies, Molduavies, Vengries, Serbies da ližäkse vie Kanuadas, Amieriekas, Argentinas, Avstrualies sego toizis mualois, kunne tuli elämäh ukrainalastu. Ukrainan kieli on Ukrainan valdivolline kieli. Keski- da Päivännouzu-Jevruopan mualois, kus eläy äijy ukrainalastu, ukrainan kielel on alovehelline libo vähembistökielen stuatussu. Eri tiedoloin mugah ukrainan kielel pagizou 36-45 miljonua hengie, Ukrainal muamankielenny sidä pidäy 31 971 000 hengie (85,2%), täh luguh kuuluu 328 tuhattu ven’alastu (2001). Ukrainan kirjukielen pohjannu on kiriliččy.

Kirjaimikko

А а	Б б	В в	Г г	Ґ ґ	Д д	Е е
Є є	Ж ж	З з	И и	І і	Ї ї	Й й
К к	Л л	М м	Н н	О о	П п	Р р
С с	Т т	У у	Ф ф	Х х	Ц ц
Ч ч	Ш ш	Щ щ	Ь ь	Ю ю	Я я