Värttinä

Lähteh Wikipedii
Siirry navigaatioon Siirry hakuun

Värttinä (karjalakse ”värtin”) on ymbäri muailmua kuulužu suomelaine folk-joukko.

Perustandu[Kohendele | Kohendele tekstua]

Värttinä on perustettu vuvvennu 1983 Suomen Pohjois-Karjalan Riäkkyläh. Sizärekset Mari da Sari Kaasinen ollah sen perustajat. Sil aigua Värttinä oli ylen suuri, joukos oli 21 hengie pajattamas da soittamas.

Värttinäs allettih igivahnas karjalazes runoperindös: vahnois karjalazis runolois da kandelehel soitandas. Silloi se oli mieliruado muuzikantoile, ga terväh joukos ellendettih: pidäy tuvva nägövih unohtuksih jiännyh karjalaine pajoperindö da anna se kuuluu uudeh luaduh. Da kuulumah se rubei ei vaiku omas muas. Suomelas-ugrilastu kul’tuurua siirdäi da kylväi Värttinä, a joukko vie suomekse, ižorakse, mordvakse, marikse, saamekse, eestikse da setukse, rodih kuulužu kaikes muailmua. Joukko on käynnyh Pol’šah, Irlandieh, Yhtysvaldoih, Kanuadah, Japounieh da äijih toizih mualoih.

Matkat Karjalah[Kohendele | Kohendele tekstua]

Värttinä kävyi pajattamah Karjalah kaksi kerdua. Toine kerdu oli vuvvennu 2013. Silloi Värttinä pajatti Eeppillizes fourumas Petroskois. Enzimäine tulendu Petroskoih oli kaksikymmen kuuzi vuottu enne tädä tostu matkua.

Nygözet pajattajat da soittajat[Kohendele | Kohendele tekstua]

Tänäpäi joukos pajattamas on Mari Kaasinen, Susan Aho da Karoliina Kantelinen. Maril da Karoliinal ollah karjalazet juuret. Mari on rodužin Suomen Pohjois-Karjalas Rääkkylän kyläspäi. Karoliinan juuret tuatan puoles ollah Impilahtes.

Kaikin ollah ammatillizet rahvahan muuzikan tiedäjät. Mari da Susan opastuttih Sibeliuksen akademies, Karoliina väitti väitöskirjan Karjalan joigulois. Mari da Karoliina vie opastetah rahvahan muuzikkua Helsinkis. Kaikin kirjutetah tekstoi da muuzikkua Värttinäh niškoi.

Tänäpäi joukkoh kuulutah[Kohendele | Kohendele tekstua]

  • Mari Kaasinen (pajattai)
  • Susan Aho (pajattai)
  • Karoliina Kantelinen (pajattai)
  • Matti Kallio (soitto, akardion, kosketinsoittimet)
  • Hannu Rantanen (bas-gituaru)
  • Mikko Hassinen (iškusoittimet)

Pajodiskat[Kohendele | Kohendele tekstua]

  • Värttinä (1987)
  • Musta Lindu (1989)
  • Oi dai (1991)
  • Seleniko (1992)
  • Aitara (1994)
  • Kokko (1996)
  • Vihma (1998)
  • Ilmatar (2000)
  • iki (2003)
  • Miero (2006)
  • Utu (2012)
  • Viena (2015)