Val de Ròia

Val de Ròia (oksituanakse Val / Vau / Vath de Ròia, liguurikse Val Reuia, itualiekse Val Roia, franciekse Vallée de la Roya) on notko Oksituanien da Ligurien rajal. Alovehel paistu kielimuodo roiasc on oksituanan da liguurin kielen välimuodo, ga miäritelläh enimyölleh oksituanan paginluavukse.^[1] Notko sijaiččou Al'poin mäistös da on nimetty Ròia-joven (oks. Riu de Ròia) mugah. Alovehen suurimas kyläs Brelh de Ròias vietetäh kerran nellis vuvves heinykuun kolmanden pyhänpiän A Stacada -nimisty perindehpruažniekkua.^[2]^[3]

Francien valdivo sulgi elokuus 2015 Itualien Ventemiglian kohtal olijan rajanylityspaikan pagolazilpäi, min jälles Val de Ròia rodih terväh pagolazien uvvekse kulgutiekse da alovehen eläjät perustettih Ròia Ciutadana (fr. Roya Citoyenne) -kanzalasjärrestön avvuttamah hiäs olijoi. Vuvvel 2017 järrestön jäzen Cedric Herrou suudittih nellikse kuukse tyrmäh pagolazien avvuttamizen täh, ga suudo purrettih myöhembi. Herrou oli tarinnuh yösijua pagolazile da kuvannuh Francien policien zakonanvastastu toimindua alaigähizii pagolazii kohtah.^[4]

Aihies muijal

Jornalet-verkolehten uudizii Val de Ròiah näh (oksituanakse)

Lähtiet

[1] ttp://linguistica-oc.com/wp-content/uploads/2013/07/Linguistica-occitana-7-Sumien.pdf

[2] ttps://www.jornalet.com/nova/11348/val-de-roia-brelh-a-festejat-lestacada-coma-cada-quatre-ans-dempuei-la-nuech-dels-tempses

[3] ttps://www.vermenagna-roya.eu/it/patrimonio/a-stacada-di-brei

[4] ttps://www.jornalet.com/nova/10465/la-cort-de-cassacion-a-annulat-la-condemnacion-de-cedric-herrou

[1]

[2]

[3]

[4]