Viktor Jevsejev
| Viktor Jevsejev | |
|---|---|
 | |
| Ammatti: | tiedomies, filologi, Finno-Ugrist, folkloristi, yliopisto-opettaja |
| Rodivui: | 13 (26) heinykuudu 1910 |
| Roindukohtu: | |
| kanzalližus: | |
| Kuoli: | 12. talvikuudu 1986 (76 года) |
| Kuolendukohtu: | |
Viktor Jevsejev (13. heinykuudu 1910 – 12. talvikuudu 1986) oli Karjalan tundiettu folkloristu, filolougien douhturi, professoru, Karjalan tiedokeskuksen Kielen, literatuuran da histourien instituutan vahnin tiedoruadai.
Rodivundu
[kohenda | kohenda tekstu]Viktor Jevsejev rodivui liygiläzien pereheh Jehkilän kyläh. Kylä on Suojärvie lähäl.
Opastundu da ruado
[kohenda | kohenda tekstu]Opastui Leningruadan valdivonyliopistos da ruadoi Karjalan tiedokeskuksen Kielen, literatuuran da histourien instituutas. Jevsejev 1930-vuozil rubei tutkimah karjalastu rahvahanrunohuttu.
Tutkimusmatkat
[kohenda | kohenda tekstu]Jevsejev oli ristin-rästin ajelluh Karjalan. Häi kävyi sinne, kunne jygei oli puuttuo. Oli pohjazis kylis, Keski-Karjalas, kudamah sih aigah harvu ken kävyi, da Karjalan suvipuolel. Suvi tutkijal oli enimite ajeltu. Kävyi Tverin karjalazilluogi. Vuvvennu 1935 Jevsejev pyöräl kävyi läs 30 kyläh. Kaheksastostu päiväs oli ajeltu läs 500 kilometrii. Omien tutkimusmatkoin aigua häi kirjutti karjalazis ylen äijän eeppistu pajuo, suarnua, virty, joiguu. Enimät on pandu hänen luajittuloih kirjukogomuksih.
Douhturikse väitändy
[kohenda | kohenda tekstu]Vuvvennu 1958 Jevsejev väitti filolougien douhturikse. Häi tutki karjalas-suomelazen eeposan histouriellistu pohjua. On painettu enämbi viittykymmendy hänen tutkimustu tiedokirjoih da -žurnualoih.
Tiedoruavot
[kohenda | kohenda tekstu]- Vuvvennu 1940 nägi päivänvalgien Jevsejevan enzimäine rahvahanrunohuon kogomus “Sampo”.
- Tämän jälles nähtih päivänvalgien: “Runot da histouriellizet pajot” (1946),
- “Arhippa Perttuzen vallitut runot” (1948),
- “Karjalan folklouru” (1948),
- “Karjalan eeppizet pajot” (1950),
- Kaksiozaine Karjalan rahvahan runot -kirju (1976, 1980),
- “Karjalan rahvahan poettine tuotando” (1981),
- “Karjalan rahvahan eepossu” (1985).
- Vuvvennu 1994 tutkijan kuolendan jälles piästettih ilmah kaksiozaine kirju “Karjalas-suomelaine rahvahalline eepossu”.
Palkindot da arvonimet
[kohenda | kohenda tekstu]Viktor Jevsejev on Karjalan nevvostotazavallan arvostettu tiedoruadai, Kalevala-tiedoseuran da Suomelazen kirjallizuon seuran liittolaine, monien palkindoloin suannuh.
Kniigu tutkijas
[kohenda | kohenda tekstu]Tutkijan 100-vuozipäiväkse Karjalan tiedokeskuksen Kielen, literatuuran da histourien instituutas on valmistettu kirju, kudaman allus on sanottu tutkijan elokseh da ruadoh nähte. Sen jälgeh on hänen tutkimusruadoloin, häneh näh kirjoin da kirjutuksien luvettelo da hänen kerättylöin materjualoin, kudamat tänäpäi ollah ruokos Kielen, literatuuran da histourien instituutan arhiivas, luvettelo. Enzimäzen luadi karjalazen literatuuran tutkii Natalja Čikina, toine on Valentina Mironovan luajittu.
Linkit
[kohenda | kohenda tekstu]http://illhportal.krc.karelia.ru/publ.php?id=5592&plang=r
http://illhportal.krc.karelia.ru/section.php?plang=r&id=1346
http://rkna.ru/index.php/component/content/article/90-nsa/spravochniki/osnovnye/spisok-fondov-lichnogo-proiskhozhdeniya/830-evseev-v-ya