Wikipedii:Administruattoroin da b’urokruattoin valličuksien siännöt
Administruattoroin da b’urokruattoin valličuksien siännöt
Ken voi olla kandiduatannu administruattorakse[kohenda tekstu]
Livvinkielizen Wikipedien kandiduatannu administruattorakse voi olla ozanottai, kudai yhtel aigua täyttäy iellizii vuadimuksii:
- livvinkielizeh Wikipedieh registratsiespäi hänel on mennyh ei vähembi migu kuuzi kuudu;
- häi on luadinuh ei vähembi migu 200 kohendustu.
Kandiduatat, kudamat ei täytetä hos yhty nämmis vuadimuksis, otetah iäre valličukses, sen luadiu eräs Wikipedien ruadajis b’urokruatois.
Ken voi olla kandiduatannu b’urokruatakse[kohenda tekstu]
Livvinkielizen Wikipedien kandiduatannu b’urokruatakse voi olla ozanottai, kudai yhtel aigua täyttäy iellizii vuadimuksii:
- livvinkielizeh Wikipedieh registratsiespäi hänel on mennyh ei vähembi migu yksi vuozi;
- häi on luadinuh ei vähembi migu 400 kohendustu;
- häi on olluh Wikipedien administruattorannu libo arbitrannu ei vähembi migu puolivuottu sikse aigua, konzu händy vallitah kandiduatakse;
- livvinkielizen Wikipedien ruavos hänel ei olluh keskustustu enämbiä migu kolme kuudu;
- hänel jälgimäzekse kulunuon puolenvuvven aigah, enne kandiduatakse valličustu, ei olluh kuritustu Välisuudokomitietan puoles, kudai kačoi da sellitti oigevuoneččoloi kandiduattua vastah.
Kandiduatat, kudamat ei täytetä hos yhty nämmis vuadimuksis, otetah iäre valličukses, sen luadiu eräs Wikipedien ruadajis b’urokruatois.
Enne pyrgivynnyöt kandiduatat libo net, kudamil on otettu ruado-oigevus[kohenda tekstu]
Kandiduattu, kudai pyrgiihes ennepäi da ei suannuh tarvittavua ruadoyhtevyksen kannatustu, libo, kudai iče otti iäre oman kandidatuuran iänestyksen allettuu, libo, kudamal otettih administruattoran libo b’urokruatan ruado-oigevuot, voi uvvessah pyrgiekseh administruattorakse libo b’urokruatakse ei vähembi migu kolmen kuun kuluttuu jälles ielembästy kandiduatakse pyrgivymisty libo ruado-oigevuon ottamistu.
Ken voi iänestiä administruattoroin da b’urokruattoin valličuksis[kohenda tekstu]
Livvinkielizen Wikipedien administruattoroin da b’urokruattoin valličuksis voijah iänestiä registriiruinnuot ozanottajat, kudamat kandiduatan virgah kehoittamizen aijakse ollah ruattu projektas ei vähembi migu kolme kuudu, kudamat omal ruadovuitil ollah luajittu ei vähembi migu 50 ellendettäviä kohendustu piäkirjutuksien joukos da ei vähembi migu yksi kohendus moizeh aigah: ei enämbi migu 30 päiviä myöhembi da 60 päiviä enne kandiduatan virgah kehoittamistu; da ollah luajittu myös ei vähembi migu yksi kohendus ei vähembi migu 15 päiviä enne kandiduatan virgah kehoittamistu.
B’urokruattoikse da administruattoroikse kandiduatoin kehoittamizen jälletyssiännöt[kohenda tekstu]
B’urokruattoikse da administruattoroikse kandiduatat tavan mugah iče pyrgivytäh nämmih virgoih, yhtelläh heidy voi kehoittua niilöih hos kudai ozanottai, kudamal on iänestysoigevus b’urokruattoin da administruattoroin valličuksis nämmien siändölöin mugah. Tämän roittuu kandiduatal iänestyksen sivul pidäy tovestua oma suostumus olla Wikipedien administruattoran libo b’urokruatan ruavos, ku händy vallitanneh sih.
B’urokruattoin da administruattoroin valličuksien jälletyssiännöt[kohenda tekstu]
Livvinkielizen Wikipedien joga ozanottai voi yhtyö valličuksih da kandiduatoikse kehoituksih vai yhtes Wikipedies registriiruitus adresis da vaiku tämän registriiruitun adresin tiijot otetah čottah iänestäjän libo kandiduatan ruadoneruo arvostajes. Ei sua iänestiä toizes tuači, toizin sanoin ei sua iänestiä kerras monis registriiruittulois adressilois samas IP-adresis. Iänestäjes ei sua rikkuo Wikipedien siändölöi. Iänet, kudamat ei täytetä nämmii vuadimuksii, b’urokruatat otetah iäre sellittäjen ottamizen syyt. Ku roinnou perusteltuu ebäilysty siändölöin rikkomizes, b’urokruatoil on oigevus luadie kiirehelline tarkastus.
Iänestys b’urokruattoin libo administruattoroin valličuksis algavuu sit aijas, konzu on suadu kandiduatan luba sih da loppehes 19.00 UTC (kanzoinvälizen koordiniiruitun aijan mugah) 14 (nelländennytostu) päivänny jälles iänestyksen algavundua. Tämän ližäkse valličus pietäh pietynny vaiku silloi, konzu ozanottajien, kudamil on iänestysoigevus nämmien siändölin mugah, iänien lugu ”myödäh” + ”vastah” ei ole vähembi migu 5 administruattoroin valličuksis da ei vähembi migu 10 b’urokruattoin valličuksis.
Iänestyksen yhtehvevot luadiu eräs Wikipedien ruadajis b’urokruatois. Häi sežo iänestyksen mugah piättäy andua libo ei kandiduatan registriiruitule adresile b’urokruatan libo administruattoran oigevuot.
Administruattorakse kandiduattu on vallittu virgah, ku suannou ei vähembi migu 2/3 iänii ”myödäh” (66,(6)%), b’urokruatakse kandiduattu sen sijah – ei vähembi migu ¾ iänii ”myödäh” (75%) kaikis, kudamil on iänestysoigevus, iänestännyzis. B’urokruattu luadiu piätöksen olemas olijan ”myödäh”-iänien prosentuluvun mugah. Ku prosentulugu on ebäiltävän rajal, b’urokruattu ottau čottah toizet faktorat: nimenomah ”myödäh”, ”vastah” da nämmis kahtes pidävynnyzien iänestännyzien sellittelylöi, kandiduatan ielolluttu ruaduo, b’urokruattoin arvosteluloi kandiduatan virgah pättävyös. Ku roinnou vaigiedu šeikkua – liijakse rodieu ”virtualua” libo tulou ilmi kandiduatan ruado, kudai ei vastua tarvittavua stuatussua, b’urokruattu voi andua kieldovastavuksen stuatusan suandas (tarkoi syylöi sellittäjen). B’urokruattu ei voi panna administruattorakse libo b’urokruatakse ristikanzua ilmai ruadoyhtevyksen yhtehisty suostumustu sih.
Ku b’urokruattoin keskes roinnou erimielii sih nähte, kui sellittiä sidä libo tädä dieluo, kudai on kiini prosentuluvun ebäiltäväs rajas, sit piätetäh b’urokruattoin konsensusan vuoh (ei vähembi migu 2/3 kaikis b’urokruatois ollah yhty mieldy). Ku ei roinne konsensussua täs dielos, sit kandiduatale stuatussua ei anneta.