Ynys Aberteifi

On otettu Wikipedii-späi
Ynys Aberteifi

Ynys Aberteifi (angl. Cardigan Island) on Kymrinmuan kymmenendekse suurin suari. Se sijaiččou Ceredigionan muakunnas Afon Teifi -joven suus Gwbertan kylän vastalpäi. Aberteifin linnugi eule loitton. Suari on nygöi elämätöi, ga siepäi on lövvetty bronzukaudine kalmistomägi.[1] On duumaittu, ku manuahat oldas käytetty suardu keskiaijan algupuolel libo myöhembi, ga tädä eule voidu tovendua da nygözen tiijon mugah suarel eule olluh ni yhty pyzyjiä pertii ezihistouriellizen aijan jälles.[2] Suarel on merkilöi muan muokkuamizes, a niilöi ei enämbi pietä ristikanzoin, ga krolikkoin luajittuloinnu sendäh, ku alovehen muuloil suaril tiijetäh kirjallizien lähtielöin perustehel olluon krolikkoi da hos Ynys Aberteifih näh ei moizii lähtielöi olegi, alovehen rahvahan zuakkunat vihjatah, ku siegi olis olluh krolikkoi.[3] 1800-luvul suardu käytettih karjumuannu, ga ymbärivuodizekse karjan syöndysijakse se ei päinnyh.[4] Nygöi suari on luonnonsuojelualoveh da sie ruadau sežo gostile avvoi žiivattutila.[5]

Lähtiet[kohenda | kohenda tekstu]

  1. https://web.archive.org/web/20191027132037/http://www.dyfedarchaeology.org.uk/HLC/lowerteifivalley/wcardiganislandcoastal.htm
  2. https://web.archive.org/web/20191027132037/http://www.dyfedarchaeology.org.uk/HLC/lowerteifivalley/wcardiganislandcoastal.htm
  3. https://web.archive.org/web/20191027132037/http://www.dyfedarchaeology.org.uk/HLC/lowerteifivalley/wcardiganislandcoastal.htm
  4. https://web.archive.org/web/20191027132037/http://www.dyfedarchaeology.org.uk/HLC/lowerteifivalley/wcardiganislandcoastal.htm
  5. http://www.cardiganisland.com