Anuksen karjalažet
Anuksen karjalažet on Anuksenlinnas ruadai yhteiskunnalline yhtistys, kudaman piäruadoloi on karjalan kielen da karjalazen kul’tuuran kehittämine da kannattamine.
Perustanduvuozi da piälikkö
[kohenda | kohenda tekstu]Anuksen karjalažet perustettih vuvvennu 2007. Vladimir Lukin yhtistyksen piälikkö.
Ruavot da pivot
[kohenda | kohenda tekstu]- Anukselazil ollah omat jo perindöllizekse roinnuot pivot da tapahtumat, ruavot da dielot.
- Perindölline Karjalazen literatuuran festivuali ”Täs synnynrannan minun algu”, kudai on omistettu kuulužale liygiläzele runoilijale Vladimir Brendojevale.
- Jogavuodine Hengellizen muuzikan festivuali.
- Jogavuodizet Muamankielen päivy da Kalevalan päivy.
- Kirjoin julguandu. Yhtistys on piästänyh ilmah äijy anukselazien kirjuttajien kirjua karjalan kielel.
- Linnan pihoin nimilöin karjalakse kirjutandu. Joga vuottu Vladimir Brendojevan festivualin hantuzis linnan yhten uuličan taloloih azetetah pihoin nimilavvat karjalan kielel.
- Karjalan kieldy koskijat vastavukset Anuksen kanzallizes kirjastos, seminuarat, konferensiet.
- Karjalan kielen kursit. Niilöi ruvettih pidämäh vuvvennu 2013. Kursiloin vedäjänny on anukselaine karjalan kielen opastai Marija Ivanovna Tarasova.
- Kyykkä-kižan kehitändy.
- Yhteisruado toizien piirilöin da alovehien karjalazienke.