Vladimir Lukin
| Vladimir Lukin | |
|---|---|
 | |
| Ammatti: | poliitiekku, diplomuattu, valtiomies, duuman jäsen |
| Rodivui: | 13. heinykuudu 1937 (86 лет) |
| Roindukohtu: | |
| kanzalližus: | |
Vladimir Lukin on anuksen karjalaine, karjalan kielen da karjalazen rahvahan puolistai, Anuksen karjalažet -yhtistyksen piälikkö. Vladimir Lukin jo monien vuozien aigah kuuluu Karjalazien vallittuloin nevvostoh da Karjalan piämiehen tyves toimijah Karjalazien, vepsäläzien da suomelazien nevvostoh.
Ruado[kohenda | kohenda tekstu]
Vladimir Vasiljevič hätken aigua ruadoi opastajannu, sit vie hätkembän Anuksen piirin administratsies. Oli opastusozaston piälikönny, hoidi sotsiualukyzymyksii, oli administratsien varapiälikönny.
Juuret[kohenda | kohenda tekstu]
Vladimir Lukin on umbikarjalaine, rodinuhes Anuksen piirin Žilčoin hierus. Hänen tuattah oli Žilčoispäi, muamo – Yllözespäi. Perehes aiven paistih kahtel kielel: karjalakse da ven’akse, maltettih sežo suomen kieldy. Tuatto, Vasilii Lukin, ijän kaiken ruadoi šouferinnu, muamo, Anna Lukina, opastajannu, kul’tuurutaloin emändänny, sit ruadoi bol’ničas kantsel’aries.
Opastundu[kohenda | kohenda tekstu]
Opastui Žilčoin školas. Konzu pereh muutti Yllözeh, Vladimir rubei käymäh Yllözen školah. Yheksändeh da kymmenendeh kluassah kävyi Anukseh. Jälles školua lähti opastumah Petroskoin valdivonyliopistoh fiiziekku-matematiekan tiedokunnale, kudaman loppiettuu äijän vuottu ruadoi fiiziekan opastajannu Alavozes da Anukses.
Yhteiskunnalline ruado[kohenda | kohenda tekstu]
Vuvvennu 2007 oli perustettu Anuksen karjalažet -yhtistys, Vladimir Vasiljevič on sen alalline piälikkö. Yhtistyksen piäruadoloi on karjalan kielen da karjalazen kul’tuuran kehittämine. Yhtistys ruadau suurdu ruaduo piiris da Vladimir Lukin on sen joga ruavos.
Suurimat tunnustukset[kohenda | kohenda tekstu]
Vladimir Lukinan ruado on korgiesti arvostettu tazavallan tazol. Mies rodih Karjalas mennyt 2013 vuvven laureatakse.