Grigorii Makarov

Lähteh Wikipedii
Siirry navigaatioon Siirry hakuun
Grigorii Makarov
Rodivui: 23. pakkaskuudu 1918(1918-01-23) (101 год)

Grigorii Nikolajevič Makarov (1918—1972) – nevvostoaijan tiedomies, filolougien kandiduattu, etnogruaffu, ven’a-karjalazen da karjal-ven’alazen (livvin murdehen) sanakirjan luadii.

Rodivundu[Kohendele | Kohendele tekstua]

Rodivui 23. pakkaskuudu Sammatuksen kyläs Anuksen piiris karjalazeh pereheh.

Opastundu[Kohendele | Kohendele tekstua]

Sai korgeiškolan opastuksen, oli enzimäine sammatukselazis, ken sai korgeiškolan opastuksen. Loppi aspirantuuran, väitti filolougien kandiduatakse.

Ruado[Kohendele | Kohendele tekstua]

Ruadoi opastajannu, kanzalliskielizien lehtilöin ruadojoukkoh kuulumattomannu toimittajannu. Hänen piälimäine ruado oli Karjalan tiedokeskuksen Kielen, literatuuran da histourien instituutas, kus häi enämbän kahtukymmendy vuottu keräi da tutki karjalastu kielimaterjualua, piästi ilmah mondu tiedokirjutustu da kirjua.

Julgavot[Kohendele | Kohendele tekstua]

  • Ven’a-karjalaine sanakniigu. Petroskoi. 1975.
  • Karjalan kielen sanakniigu (livvin murdehel). Petroskoi. 1990. Sih kuuluu läs 20 tuhattu sanua. Sanakniigu jullattih Makarovan kuoltuu. Sanakniigu voibi löydiä pdf-formuatas Karjalan tiedokeskuksen Kielen, literatuuran da histourien instituutan saital: http://resources.krc.karelia.ru/illh/doc/redkie/makarov_dict_ocr.pdf
  • Karjalazet sananpolvet, sananpiät, arbaitukset. Petroskoi. 1959.
  • Karjalazen paginluavun näyttehet. 1969. Tämän kirjan Grigorii Makarov luadi yhtes Vladimir R’agojevanke. Kirjas on saneltu kyläläzien ruadolois, nahkan ruandas, kasken ajandas, pelvahan kazvatandas. Sidä paiči on itkuvirty, suarnua, častuškua, sananpolvie da sananpiädy. Net on kirjutettu liygiläzis.
  • Karjalan kieli -kirjutus Nevvostoliiton rahvahien kielet -kniigas. 1966.
  • Priäžän lyydiläzet sananpolvet. Kirju piästettih ilmah Suomes vuvvennu 1971 Suomelas-ugrilazen seuran kannatuksel. Kirju on kahtel kielel: suomekse da karjalakse.

Jälles Grigorii Makarovan kuolendua nähtih päivänvalgien vie kolme kniigua, kudamien pohjannu on Makarovan kerätty materjualu.

  • Karjalazet sananlaskut da sananpiät. Petroskoi. 2009.
  • Karjalazet sananpolvet da sananpiät. Petroskoi. 2011.
  • Priäžan lyydilaižed sananpolved. Petroskoi. 2012. Kniigan pohjannu on Suomes ilmah piästetyt Priäžän lyydiläzet sananpolvet -kirjan materjualu.

Linkit[Kohendele | Kohendele tekstua]

http://illhportal.krc.karelia.ru/section.php?plang=r&id=78
http://www.petrozavodsk.ru/news/75753.html