Il’l’u Mošnikov
| Il’l’u Mošnikov | |
|---|---|
| Rodivui: | 30. heinykuudu 1988[1] (35 лет) |
Il’l’u Mošnikov (rodivunnuh 30. heinykuudu vuvvennu 1988[2]) on livvikse kirjuttai. Hänen enzimäine kirju "Midä mielel, sidä kielel" piästettih ilmah vuvvennu 2012. Kirjas on suarnua, kerdomustu da runuo karjalan kielen livvin murdehel. Niilöi kotkatjärveläine Il’l’u Mošnikov kirjutti lapsennu. Net painettih lapsien Kipinä-žurnualah da karjalankielizeh Oma Mua -lehteh. Brihačču työndeli niidy Suomen puolelegi Karjalainen-lehteh.
Kirjan luadii[kohenda | kohenda tekstu]
Il’l’u Mošnikov opastui Kotkatjärven školas, loppi Petroskoin valdivonyliopiston, kus opastui karjalan da suomen kieldy, da Itä-Suomen yliopiston, kus sežo opastui karjalua. Karjalan kieli on kirjuttajale muamankieli.
Suarnoin kirjutandu[kohenda | kohenda tekstu]
Il’l’u Mošnikov sanou: ”Konzu nygöi mietin suarnoin teemoi, kerras nägyy midä oli pienenny piäs – äijis suarnois tahtoin tuvva ezile se, gu tahtonet eliä hyvin, pidäy äijy ruadua, laškannu et piäze nikunne: olgah se suarnu brihaččuzes, libo rebois, libo vahnas died’ois. Kirjutukses tämä moruali nägyy hyvin. Toine tärgei teemu on toizien hyväksekäyttö: hos kui opi kedätahto kielastua, tozi ainos voittau. Nämmä motiivat minun mieles ollah hyvin nägyvis”.