Siirry sisältöön

Oma Mua

On otettu Wikipedii-späi
Oma Mua
Perustamizen paivymiäry 1990
Kuva
Omistai Periodika-julguamo
Pääkonttorin sijainti
Julkaisija Periodika-julguamo
Kieli Livvinkarjala
Virralline kodisivu omamedia.ru/publication/oma_mua/
Ylläpitäjä Periodika-julguamo
Päätoimittaja Natalja Sinitskaja
Mediafailat Wikiskluavul
Oma Mua -lehten n:o 41 (26.10.2016)

Oma Mua on vuvvennu 1990 perustettu karjalankieline lehti. Lehten enzimäine noumeru piäzi ilmah 8. kezäkuudu. Sen alguhpanijoinnu oldih kieliaktivistat Pekka Zaikov, Tatjana Klejerova da Akilan Iivan.

Lehten haldivoiččijoikse roittihes Karjalan tazavallan Zakonoinhyväksyndykerähmö, Karjalan tazavallan halličus, Karjalan Rahvahan Liitto da Periodika-julguamo.

Lehten piätoimittajannu on Ol'ga Melentjeva.

Histourii[kohenda | kohenda tekstu]

Oma Mua -lehten enzimäzekse piätoimittajakse oli pandu žurnalistu livvinkarjalaine kielentutkii Viktor Makarov, karjalankielizen sanakirjan luadijan Grigorii Makarovan poigu. Vuvven peräs, vuvvennu 1991 “Oman Muan” piätoimittajakse tuli kalevalalaine Vladimir Kettunen, hyvin tundiettu lehtentoimittai, kudai enne sidä ruadoi “Karjalan Sanomis”. Toimituksen enzimäzii ruadajii oldih Vera Hämäläinen, Valentina Kiuru, L’ubov’ Arefjeva (Baltazar), Viktor Trošev.

Lehten keskimäine painosmiäry silloi oli puolitostu-kaksi tuhattu palua. Sidä sai ostua da tilata vaigu Karjalas. Silloi karjalankieline lehti oli nellisivuine.

Oma Mua -lehten erähät noumerat

Aijan aloh lehti muutui ulgonpäi dai syväinpuoles, rodih suurembakse da sangiembakse, toimitukseh tuli ruadoh uuttu toimittajua endizien sijah. “Omas Muas” omal aijal ruattih Larisa Nikitina, Raisa Remšujeva, Ol’ga Ogneva, Valentina Mironova, Marina Mihailova, Nina Mihailova, Vladimir Romanov, Mihail Kallijev, Pavel Mihailov, Marina Viglijeva, Natalja Antropova, Jelena Migunova, Natalja Sinitskaja.

Tänäpäi ”Oma Mua” on kaksitostusivuhine lehti karjalan kielen kahtel murdehel – livvikse da vienakse. Silloi-toiči lehtes suau lugie kirjutustu tverinkarjalakse, suvikarjalakse da aniharvah lyydikse. Lehtel on oma saitu, omat sivut VKontaktes da Facebookas. Lehten lugijua eläy ymbäri muailmua: Karjalas da Ven’al, Suomes, Ruočis, Eestis, Valgoven’al. Lehten painosmiäry on 500 palua. Sen ližäkse on lehten pdf-versien tiluajua da lugijua. Piätoimittajannu on Ol’ga Melentjeva.

Piätoimittajat[kohenda | kohenda tekstu]

  • Vladimir Kettunen (1990-2000);
  • Larisa Nikitina (2000-2004);
  • Natalja Sinitskaja (2004–2017);
  • Ol'ga Melentjeva (2017–).

Toimittajat[kohenda | kohenda tekstu]

Endizet toimittajat[kohenda | kohenda tekstu]

Nygöine toimitus[kohenda | kohenda tekstu]

  • Marija Spitsina
  • Jelena Ruppijeva
  • Ol'ga Smotrova
  • Margarita Kemppainen
  • Ol'ga Dubitskaja
  • Elina Potapova
  • Natalja Vorobei
  • Valentina Mironova
  • Natalja Antonova
  • Ol'ga Ogneva
  • Andrei Tuomi
  • Uljana Tikkanen

Linkit[kohenda | kohenda tekstu]