Jelena Bogdanova
| Jelena Bogdanova | |
|---|---|
| Ammatti: | poliitiekku |
| Rodivui: | 23. heinykuudu 1973 (51 год) |
Jelena Bogdanova (roinnuhes 23. heinykuudu 1973) on filolougien kandiduattu, karjalan kielen tutkii da opastai. Hätken aigua ruadoi Petroskoin valdivonyliopiston karjalan da vepsän kielen laitoksel. Oli Karjalan tazavallan Kanzallizen poliitiekan ministran sijahizennu da Karjalan kul’tuuruministrannu. Nygöine Kiži-muzein piälikkö.
Rodivundu
[kohenda | kohenda tekstu]Jelena Bogdanova on roinnuhes 23. heinykuudu vuvvennu 1973 Suuren Mäin kyläs Anuksen piiris. On liygiläine.
Opastundu
[kohenda | kohenda tekstu]- Vuvvennu 1990 loppi Videlen školan.
- Vuvvennu 1995 loppi Petroskoin valdivonyliopston itämerensuomelazien kielien da kul’tuuran tiedokunnan, kus opastui karjalan da vepsän kielen ozastol karjalan da suomen kieldy da literatuurua. Jelena Bogdanova on tämän ozaston enzimäzii opastujii.
- Vuvvennu 2003 väitti filolougien kandiduatakse. Hänen väitöskirjan teemannu oli refleksiivuverbit karjalan kieles. Täs teemas tutkijal on piässyh ilmah mondu tiedokirjutustu.
Ruado
[kohenda | kohenda tekstu]- Yliopiston loppiettuu, vuvvennu 1995 da vuodessah 2007 ruadoi Petroskoin valdivonyliopiston karjalan da vepsän kielen laitoksel. Opasti karjalan kielen morfolougiedu da virkehoppii, pidi karjalan kielen paginkursua da kiännösruavon harjaituskursua. Samal aigua opasti karjalan kieldy Kanzoinvälizil karjalan kielen kursiloil, kudamien luadijannu on Suomes ruadai Karjalan Liitto da Tazavallan škola-akadeemies, konzu se oli olemas.
- Vuozinnu 2007-2010 on Karjalan tazavallan Kanzallizen poliitiekan ministran sijahine.
- Vuozinnu 2010-2015 on Karjalan tazavallan kul’tuuruministrannu.
- Vuvven 2015 sygyzys on Kiži-muzein piälikkö.
Karjalan kielen opastuskniigat da kursat
[kohenda | kohenda tekstu]- O. Il’jina , L. Bogdanova, L. Markianova. Karjalan kielen harjoituskogomus. Nominat (livvin murdehel). Petroskoi, 1998.
- O. Il’jina , L. Bogdanova, L. Markianova. Karjalan kielen harjoituskogomus. Verbit. Infinitiivat. Partisiipat. Adverbit (livvin murdehel). Petroskoi, 2000.
- L. Bogdanova, O. Žarinova. Karjalazien elaigu. Petroskoi, 2005.
- L. Bogdanova, T. Ščerbakova. Karjalan kielen harjoituskogomus. III-IV luokku. Petroskois, 2004.
- L. Bogdanova, S. Kondratjeva. Karjalan kielen harjoituskogomus. V luokku. Petroskois, 2004.
- Jelena Bogdanova yhtes Natalja Gilojevanke luadi Petroskoin valdivonyliopistos verkokursan: Livvin kielen algukursu.
Redaktoran ruado
[kohenda | kohenda tekstu]Jelena Bogdanova on monien karjalankielizien kirjoin da opastuskirjoin redaktorannu.