Julia Roberts

Julia Roberts
Roindunimi:	angl. Julia Fiona Roberts
Ammatti:	телеактриса, киноактриса, elokuvatuottaja, malli, театральная актриса, актриса озвучивания, актриса
Rodivui:	28. ligakuudu 1967(1967-10-28) (56 лет)
Roindukohtu:	Smyrna (Georgia)[d], Cobbin piirikunta[d], Štuattu Georgii, Amierikan Yhtysvallat
kanzalližus:	Amierikan Yhtysvallat
Tuatto:	Walter Grady Roberts[d]
Muamo:	Betty Lou Bredemus[d]
Ukko / akku:	Daniel Moder[d]
Lapset:	Hazel Patricia Moder[d], Phinnaeus Walter Moder[d] и Henry Daniel Moder[d]

Julia Fiona Roberts (28. ligakuudu 1967) on amierikkalaine ozuttelii da prod’usseru. Hänen enzimäine suuri lykky kinos oli rouli Steel Magnolias -filmas (1989), kudamas häi sai Golden Globe Award -palkindon da oli nominiiruittu Oscar-palkindon suajakse Paras naizien sivurouli -nominatsies vuvvennu 1990. Vuvven peräs häi oli jo Hollywoodan tiähtenny jälles kuulužua Pretty Woman -filmua. Sit filmas häi sai Golden Globe Award -palkindon da uvvessah oli nominiiruittu Oscar-palkindon suajakse da vie BAFTA-palkindon suajakse Paras naizien rouli -nominatsies vuvvennu 1991.

Vuvvennu 2001 Roberts jälles avtobiogruaffistu Erin Brockovich -filmua, kudamas hänel oli piärouli, sai Oscar-palkindon, kolmanden Golden Globe Award palkindon, BAFTA-palkindon da Yhtysvalloin Kino-ozuttelijoin gildien palkindon Paras naizien rouli -nominatsies. Vuvvennu 2014 Julia Roberts oli nominiiruittu kaikkien nämmien palkindoloin suajakse Parahas naizien sivuroulis filmas ”August: Osage County” (2013).

Roberts on muailmas eräs korgiedu palkua suajis ozuttelijois. Filmoin ozutandas, kudamis häi ezityi, suadih enämbi kahtu milljardua dollarua.

Opastundu

Školan loppiettuu Roberts piäzi opastumah Džordzian ozavaldivon yliopistoh da muutti New Yorkah sizärellyö, kus tahtoi lähtie kino-ozuttelijan leibih. New Yorkas häi ualekirjutti ruadosobimuksen Click-modelitoimistonke da rubei käymäh ozuttelijoin kursiloile.

Eloskerdu

Robertsan enzimäine ukko oli ozuttelii da pajattai Lyle Pearce Lovett. Hyö elettih yhtes vähembi kahtu vuottu.

Vuvvennu 2002 häi meni miehele kino-operuatorale Daniel Moderale. Vuvvennu 2004 heile roittihes kaksozet: tytär da poigu. Vuvvennu 2007 Roberts sai vie yhten poigazen.

Roberts perehenke eläy New Yorkas Manhattanal da heil on omat konnut Tahoe-järvirannal. Robertsal sežo on suuri kodi Californies. Häi on Om Red films -kinokompuanien omistai da aktiivizesti yhtyy hyvyönluajindan ruadoloih. Vuvvennu 2005 Forbes-žurnualan mugah Robertsal oli omažuttu da varua 250 miljonua dollarua.