Siirry sisältöön

Uuzi sana

On otettu Wikipedii-späi

Uuzi sana on oza Biblies libo ristittylöin Pyhis Kirjotuksis. Ristittylöin mugah se on Biblien jälgimmäine puoli. Ennen sitä Biblies on Vahnu sana. Uuzi Sana sanolou kui Jumal luadii sovun kaikkien rahvahienke. Se jatkau kerdomustu kui algoi Vahnas sanas.

Uvves sanas on 27 kniigua. Sen jevangelieduis kerrotah tieduo Iisusan elaijas, opastuksis da ruadolois, hänen kuolendas ristal da kuollieloisnouzendas. Jevangeliedui on n'elli: Matfein, Markan, Lukan da Iivanan mugah.[1]

Jevangelieduin jälgeh Uvves Sanas on Apostoloin ruavot, kudai ozuttua kui hyvä viesti levii Jerusalimaspäi Riimah suate. Sen jälgeh tulou apostol Puavilan kirjazet da seiččie kirjastu, net ollah muga sanotut Kiriköllizet kirjazet. Jälgimäinen kniigu on Jiävindy Iivanale sanelou Jumalan valdukunnan lopullizes voitos.

Uvven sanan kniigat kirjutettih vuozinnu 50–150 griekan kielel.

Uvven sanan kniigat

[kohenda | kohenda tekstu]

Uuzi sana karjalakse

[kohenda | kohenda tekstu]

Uuzi sana piästettih ilmah livvikse vuvvennu 2003. Kiännös noudau Yhtynyzien Bibliiseuroin jullattuu griekannkielisty algutekstua. Sen on luodinnuh Biblienkiännändyinstituuttu.

Lähtehet

[kohenda | kohenda tekstu]
  1. ↑ Uuzi Sana livvikse