Vladimir Dračov

Lähteh Wikipedii
Siirry navigaatioon Siirry hakuun
Vladimir Dračov
Portriettu
Ammatti: ampumahiihtäjä, poliitiekku
Rodivui: 7. kevätkuudu 1966(1966-03-07) (53 года)
Roindukohtu: Petroskoi, Venäjän sosialistinen federatiivinen neuvostotasavalta[d], Nevvostoliitto[d]
kanzalližus: Flag of Russia.svg Ven'a
Flag of Belarus.svg Valgo-Ven'a

Vladimir Petrovič Dračov (7. kevätkuudu 1966) nevvostolaine, ven’alaine hiihtoambui. Dračov on Karjalaspäi rodužin. Häi nelli kerdua oli voittajannu Muailman kilvois, sai Muailman sportumal’l’an kavven 1995/96 aigah, hobju- da bronzumedalin Olimpiiskolois kižois. Karjieran lopus ezitti Valgoven’ua.

Eloskerdu[Kohendele | Kohendele tekstua]

Vladimir Dračov on roinnuhes Petroskoih. Opastui Petroskoin školas n:o 39.

Rubei harjaittamah hiihtoammundua vuvves 1980. Dračov on Karjalan Lapsien da nuorižon olimpiiskoin rezervan hiihtäjien keskusškolan kazvatti.

Vuvvennu 1987 loppi Piiterin Lesgaftan nimizen fiisku’tuuran instituutan vojennoin tiedokunnan.

Suavutukset sportas[Kohendele | Kohendele tekstua]

Dračov oli seiččemes muailman kilvas. Häi nelli kerdua oli voittajannu niilöis.

Sportumies oli vuvven 1994, 1998 da 2006 Olimpiiskolois kižois. Omis enzimäzis kižois sai hobjumedalin hiihtoammundan kilbujouksus, toizis – bronzumedalin hiihtoammundan kilbujouksus.

Paiči kuldumedaliloi muailman kilvois häi sai niilöis vie kolme hobjumedalii da yhten bronzumedalin.

Kavven 1995/96 aigah Dračov rodih Muailman sportumal’l’an omistajakse. Nämmis kilvois Muailman sportumal’l’an suamizekse Dračov oli 15 kerdua voittajannu da ližäkse vie 17 kerdua nouzi poudiumale. Ven’an joukko ei ottanuh händy vuvven 2002 Olimpiiskoloih kižoih, kudamii piettih Ameriekas, sendäh Dračov rubei hiihtoambujakse Valgoven’an joukos.

Vuvvennu 2006 loppi sportukarjieran.

Palkindot[Kohendele | Kohendele tekstua]

Dračov on Ven’an arvostettu sportumuasteri da Karjalan tazavallan fiskul’tuuran alan arvostettu ruadai. Sportumies sai kaksi medalii arvoruadolois Ižänmuan hyväkse (I da II astien, 1998 da 1994) da Valgoven’an medalin erinomazis arvoruadolois.

Virguniekan ruado[Kohendele | Kohendele tekstua]

Vuvven 2013 kevätkuus Dračov pandih Vsevoložskoin piirin administratsien piälikön sijahizekse.

Vuvven 2013 talvikuus oli Vsevoložskoin piirin administratsien varapiälikönny.

Vuvven 2014 ligakuun 23. päiväs oli Vsevoložskoin piirin administratsien piälikönny.

Vuvven 2016 ligakuun 5. päivänny Dračovua vallittih Ven’an Federatsien Duuman VII kučundukerähmön deputuatakse.