Aleksandra Stepanova

Lähteh Wikipedii
Siirry navigaatioon Siirry hakuun
Aleksandra Stepanova
Rodivui: 30.08.1930

Aleksandra Stepanovna Stepanova on kuulužu karjalazen rahvahanrunohuon tutkii, filolougien kandiduattu, Karjalan tazavallan tiedoalan arvostettu ruadai. Enämbi 44 vuottu Aleksandra Stepanova ruadoi Karjalan tiedokeskuksen Kielen, literatuuran da histourien instituutas.

Rodivundu[Kohendele | Kohendele tekstua]

On roinnuhes Vienan Karjalan Šompajärven kyläh karjalazeh muanruadajien pereheh 30. elokuudu vuvvennu 1930.

Opastundu[Kohendele | Kohendele tekstua]

Vuvvennu 1938 Aleksandra Stepanova lähti opastumah Haikol’an školah. Sih aigah opastus oli karjalan kielel. Enne voinua ehti loppie kolme kluassua. Evakos Ižänmuallizen voinan aigah sai loppie vaiku nelländen kluasan. Jo voinan jälles Aleksandra Stepanova jatkoi opastustu Uhtuon školas. Yheksändes kluasas hänen literatuuran opastajannu oli Unelma Konkka (tulii kuulužu folkloristu). Oman opastajan hyvyös Aleksandra Stepanova lähti opastumah Petroskoin valdivonyliopistoh histourii-filolougizen tiedokunnan suomelas-ugrilazele ozastole.

Ruado[Kohendele | Kohendele tekstua]

Vuvvennu 1957 opastundan loppiettuu Aleksandra Stepanovua työttih ruadoh Nilmijärveh, kus häi ruadoi kaksi vuottu opastajannu. Ruadoi vie Kalevalan da Kondupohjan piiris opastajannu. Vuvvennu 1962 tuli ruadoh Karjalan tiedokeskuksen Kielen, literatuuran da histourien instituuttah Unelma Konkan kučus. Instituutas Aleksandra Stepanova ruadoi vuodessah 2007.
Aleksandra Stepanova tutkii suarnoi, eepizii pajoloi, joiguloi, yhtelläh hänen ruavon piälimäzii tutkimuskohtii oldih itkuvirret. Vuvvennu 1969 häi vagavah ottihes itkuvirzilöin tutkindah. Händy enne tädä rahvahanrunohuon žanrua ei tutkittu nigo Ven’al, nigo Suomes. Vuvvennu 1980 Aleksandra Stepanova väitti filolougien kandiduatakse. Väitösruavon teemannu oldih karjalazet itkuvirret.

Tutkimusmatkat[Kohendele | Kohendele tekstua]

On ajelluh ristin-rästin Karjalan keriämäs materjualua. Ruadajes oli enämbi 50 tutkimusmatkua eri Karjalan piirilöih da Kuolanniemimuale.

Palkindot[Kohendele | Kohendele tekstua]

  • Aleksandra Stepanova on Suomes ruadajien Suomalaisen kirjallisuuden seuran, Kalevalaseuran, Suomalais-ugrilaisen seuran jäsen.
  • Stepanova on suannuh mondu Ven’an tiedoakadeemien da Karjalan tazavallan kunnivokirjastu.
  • Vuvvennu 1995 häi sai Karjalan tazavallan tiedoalan arvostettu ruadai –arvonimen.
  • Vuvvennu 1992 Stepanova sai Kalevalaseuran kunnivokirjazen kui Suomen rahvahan hengenperindön tiedäi da maltai.
  • Vuvvennu 2006 Suomalaisen kirjallisuuden seuran 175-vuozipäivän hantuzis Stepanova sai seuran kunnivokirjazen.

Julgavot[Kohendele | Kohendele tekstua]

Aleksandra Stepanova on piästänyh ilmah äijy kirjua da tiedokirjutustu karjalazes rahvahanrunohuos kui Ven’an, mugai Suomen puolen julgavolois.

Monogruafiet[Kohendele | Kohendele tekstua]

  • Функционирование системы метафорических замен в карельских причитаниях: автореф. канд. дисс. – М., 1980. – 23 c.
  • Метафорический мир карельских причитаний / Отв. ред. Б.Н. Путилов. – Л.: Наука, 1985. – 221 с. Карельские плачи: специфика жанра (избр. ст.) / Оформ. В. И. Яшкова. – Петрозаводск: Периодика, 2003.
  • Толковый словарь языка карельских причитаний. - Петрозаводск: Периодика, 2004. – 304 с.

Rahvahanrunohuon kogomukset[Kohendele | Kohendele tekstua]

  • Карельские народные сказки: (Южная Карелия) / Вступ. ст. У. С. Конкка, подгот. текста и примеч. У. С. Конкка и А. С. Тупи- цыной. Общая ред. В. Я. Евсеева. – Л.: Наука, 1967. – 520 с
  • Были-небылицы=Kaskuja / Сост. и пер. А. С. Степановой; Ред. В. И. Чернецова; Худож. Н. И. Брюханов. – Петрозаводск: Каре- лия, 1973. – 95 с.: ил. – Текст парал.: карел., рус.
  • Карельские причитания / Изд. подгот. А. С. Степанова, Т. А. Коски; Науч. ред. У. С. Конкка; Предисл. А. Степановой; Петрозаводск: Карелия, 1976. – 534 с.: ил., нот. – Текст парал.: карел., рус
  • Aukaisen sanaisen arkun: Хрестоматия по карельскому фольклору для учащихся школ Карельской АССР / Изд. подгот. А. С. Степанова. – Петрозаводск: Карелия, 1991. – 222 с.
  • Устная поэзия тунгудских карел / Изд. подгот. А. С. Степанова. – Петрозаводск: Периодика, 2000. – 383 с.
  • Были-небылицы=Kaskuja: сказки-анекдоты на карел. и рус. яз. / Сост. и пер. А. С. Степанова; худож. Н. И. Брюханов. – Петрозаводск: Карелия, 2004. – 96 с
  • Karjalaista rahvahan runoutta: Материалы по устной нар. поэзии из Южной Карелии в помощь учителю карел. яз. / Сост. А. С. Степанова – Петрозаводск, 1990. – 37 с.
  • Kultapiälintu: Vienalaisie suarnoja / Luatijat S. Stepanova, P. Zaikov; Kuv. Margarita Jufa. – Petroskoi: Karjala, 1994. – 151 s

Linkit[Kohendele | Kohendele tekstua]

http://elibrary.krc.karelia.ru/419/1/istoki_2.pdf