Sortaval

Linnu Sortaval ven. Сортавала suom. Sortavala Flagu Gerbu Mua Ven'aVen'a Aloveh Karjalan tazavalduKarjalan tazavaldu Piiri Sortavalan piiri Koordinuatat 61°42′00″ p. l. 30°40′00″ pn. p.61.70000° p. l. 30.66667° pn. p. / 61.70000; 30.66667    enzimäinen mainičendu 1468 Pindu-ala 15 km² km² Rahvastu ▼14 593 hengie (2025) Telefonan koudu 81430 Poštuindeksat 186790 Virralline sivu городсортавала.рф Ozuta/peitä kartoi Sortaval Sortaval

Vahnu Sortaval

Sortavalan vahnua arhitektuurua

Sortaval (vie Sordaval, Sordavala,ven. Сортавала, suom. Sortavala) on linnu Sortavalan piiris Karjalan tazavallas Ven'al. Linnu on sijoitunnuhes Luadogan pohjasrannikol läs 190 kilometrii Petroskoispäi da 30 kilometrii Suomen rajas. Linnu on Sordavalan piirin haldivolline keskus. Linnas eli kaikkiedah 19 235 hengie vuonnu 2010.

Histourii

Alovehtu tundietah jo 1100-luvulpäi. Se oli tärgei kauppupaikku 1500-luvul da sidä mainitah ven'alazis kirjallizis dokumentois vuvvel 1582 kylänny nimel Сердоболь, Serdobol (Serdovol). Täl nimel linnua kučuttih ven'akse vuodessah 1918. Stolbovan rauhas 1617 aloveh oli liitetty Ruoččih da paikkakundu sai linnan oigevukset vuvvel 1632 nimel Sordavala. Linnu oli poltettu suuren Pohjan voinan aigua 1700-luvun allus da menetti oman vallan pitkäkse aigua. Uvvenkaupungin rauhas vuvvel 1721 se oli liitetty Ven'ah.

Suomen aigu

Konzu Suomes rodih oza Ven'ua jälles Haminan rauhua vuonnu 1809, Sortaval liitettih vuonnu 1812 muun Vahnan Suomenke Suomen suurriruhtinaskundah ozakse Viipurin liänii.