Jyškyjärvi

Lähteh Wikipedii
Siirry navigaatioon Siirry hakuun
Kylä
Jyškyjärvi
Mua
Ven'a
Aloveh
Karjalan tazavaldu
Piiri
Koordinuatat
Telefonan koudu
814-54
Poštuindeksat
186902
Ozuta/peitä kartoi
Jyškyjärvi (Ven'a)
Red pog.png
Jyškyjärvi (Karjalan tazavaldu)
Red pog.png
Jyskyjärven poselenii Kalevalan piirin kartal.
Jyškyjärvi (Karjalan tazavaldu)
Red pog.png
Jyškyjärvi
Jyškyjärvi, Karjalan tazavaldu
Jyškyjärvi
Jyškyjärvi

Jyškyjärvi (ven. Юшкозеро) on poselenii da kahten sih kuulujan kylän nimi (Vahnu da Uuzi Jyškyjärvi) Kalevalan kanzallizes piiris Karjalan tazavallas Ven'al. Jyskyjärvel oli kaikkiedah 1300 eläjiä, kudamis 2/3 karjalazii.

Jyškyjärvi oli histouriellizesti Arhangel'skoin gubernien kundu Vienan Karjalas Ven'an imperies.

Nygöine Jyskyjärven poselenii[Kohendele | Kohendele tekstua]

Jyskyjärven poselenies on kolme kohtua, kus eläy rahvastu: Vanhan Jyskyjärven kylä sego Uvven Jyskyjärven da Kepan pos'olkat.

Jyškyjärvi[Kohendele | Kohendele tekstua]

Jyškyjärvi libo Vahnu Jyškyjärvi on kunnan haldivolline keskus. Se on sijoitunnuhes Čirkkakemijoven da Kemijoven yhtyikohtas 118 kilometrii piirikeskuksespäi Kalevalaspäi liideheh. Se on perindön mugah rakendettu karjalaine joven varres olii kylä, kuduas taloit on nostettu pitkin joven randua ikkunat randahpäi. Jyskyjärves on vie joven yli srojittuloi rippujii sildoi, kuduat yhtistetäh joven suariloi mandereheh. Jyškyjärven kirikkö on nostettu vuonnu 1998.

Jyškyjärvi kuuluu Vienan runokylien joukkoh. Vuonnu 1905 kyläs oli 107 taloidu da 626 eläjiä. Jyškyjärveh kävyi mondu runokeräjiä 1800-luvul. Enzimäzenny Jyskyjärves vieraili Jaakko Fellman. Elias Lönnrot kävyi kyläh vuonnu 1835. Myöhembä alovehel kerättih ainehistoloi Berner, Genetz, Basilier ja Meriläinen.

Uuzi Jyškyjärvi[Kohendele | Kohendele tekstua]

Uuzi Jyškyjärvi sijaiččou seiččie kilometrii Vahnas Jyskyjärvespäi päivännouzupuoleh. Se on Kemijoven rannale perustetun raududorogan ymbäri roinnuhes pos'olku. Raududorogua myö piäzöy Suojärveh.

Jyškyjärven histourielline kundu[Kohendele | Kohendele tekstua]

Arhangel'skoin gubernien Jyškyjärven kundu sijaičči Čirkkakemijoven vezistöalovehel da sih kuului Nuokkijärven da Kemijoven väline aloveh. Jyškyjärven kunnan kylii oldih Jyškyjärvi (nygöine Vanhu Jyškyjärvi), Suopassalmi, Lukanniemi ja Piismalahti. Vuonnu 1907 kunnas oli 1066 eläjiä, kudamis 1060 oli karjalastu. Jyskyjärven kundu lopetettih vuonnu 1920 da sen aloveh liitettih Uhtuan piirih. Nygöi endizen kunnan alovehtu ollah Jyskyjärven da Borovoin kunnat.

Aihies muijal[Kohendele | Kohendele tekstua]