Sanalipas

Sanalipas on karjalankieline kirju lapsile. Se piästettih ilmah vuvvennu 2014. Kirju on Karjalan yhteiskunnallizen Nuori Karjala -yhtistyksen da Suomes ruadajan Karjalan Sivistysseuran yhtehizen ruavon tulos.

Kirjan tarkoitus

Kirjan luadijannu on Jelena Filippova (nygöi Ruppijeva), karjalan kielen opastai da Oma Mua -lehten toimittai. Kirju on tarkoitettu lapsile da karjalan kielen opastujile. Sanalipas-nimi ei petties roinnuh. Kirjas kehoitettuloin kižoin da harjoituksien vuoh karjalan kieleh opastujat, pienet dai aiguzet, suahah kehittiä da livuttua omua sanavarastuo, omua kieldy.

Syväindö

”Sanalipas” on juattu teemoin mugah, niidy on kaheksatostu. Joga teemal on oma nimi. Kirjan luadijat piädykauti ečittih nimekse pättävii sananpolviloi da sananpiälöi, hyvii sanondoi. Teemua on monenmostu. Tervehtindy, pereh, kodi, värit, numerualat, sovat, syömizet, muarjat da grivat, linnut da elätit.
Joga teemas on omua ruattavua: harjoitustu, kižua, sanaristikkyö, arbaitustu. Kirjan luadijat opittih luadie nenga, ku net oldas eriluaduzet, ei ollus yhty samua joga teemas. Kirjas on oma urhoigi: pieni brihaččuine Il’l’u, kudamua pidäy avvuttua da nevvuo. Kirjan lopus abuh on pieni karjala-ven’a-suomi sanakirjaine. Karjalan kielen opastujua da maltajua eläy kahtel puolel rajua.

Taidoilijan ruado

”Sanalippahan” taidoilijannu on Anastasija Trifanova. Kirjas čomastu on joga sivul, niilöin vuoh lugijat ruvetahgi opastumah karjalan kieleh. [[Category:Karjalan kirjalližus|S]